Ikusmira Berriak programaren hirugarren deialdia zabalik da
Ikusmira Berriak egonaldi eta proiektu zinematografikoak egiteko programak hirugarren deialdia ireki du astelehen honetan, otsailaren 6an. Donostiako Tabakalera Kultura Garaikidearen Nazioarteko Zentroak eta Donostiako Zinemaldiak bultzatutako ekimenean parte hartzeko lau kategoria egongo dira: Zinemaldiaren azken edizioko Zinema Ikasleen Nazioarteko Topaketako parte hartzaileak, Euskal Autonomia Erkidegoko (EAE) ekoizleak, Espainiako Estatuko ekoizleak eta beste herrialde batzuetako ekoizleak.
Ane Rodriguez Tabakalerako kultura zuzendariak eta Jose Luis Rebordinos Zinemaldiaren zuzendariak prentsaurrekoan azaldu dutenez, "sartzeko ate berri horiek Ikusmira Berriak ekimenaren nazioarteko hedadura indartuko dute".
Berrikuntzaren eta hizkuntza berrien alde egiten duten talentu berriak nahiz ekoizleak eta ikus-entzunezko industriak inplikatu nahi ditu ekimenak, eta horretarako sei asteko egonaldia eskaintzen du. Lehen lau asteetan, ekoizleek euren proiektuak landuko dituzte Tabakalerako Sortzaileen Gunean, eta profesionalek eskola magistralak emango dizkiete.
Sergio Oksman, John Paul Sniadecki, Nicolas Klotz, Oskar Alegria edo Andres Di Tella zinemagileek, Ada Solomon, Fernanda del Nido, Koldo Zuazua edo Marianne Slot ekoizleek, edota Paz Lazaro eta antzeko jaialdi programatzaileek lehen bi edizioetako egoiliarrak bisitatu eta aholkatu zituzten, adibidez.
Egonaldiko bosgarren astean, parte hartzaileak 'pitching' saiorako prestatuko dira: egonaldiko seigarren eta azken astean egin beharreko proiektuaren aurkezpena. Industriaren profesionalei aurkeztuko diete, Donostiako Zinemaldiko Europa-Latinoamerika Koprodukzio Foroaren esparruan.
Ekoizteko bidean
Ikusmira Berriak ekimeneko lehen bi edizioetan hautatutako zortzi proiektuak ekoizteko bidean daude edo lortzeko aukera onak dituzte.
Ikusmira Berriak ekimenak 20.000 euroko laguntza ekonomikoa ematen du, eta hori hautatutako proiektuen artean banatzen da. Era berean, REC Grabaketa Estudioak bere zerbitzuak eskaintzen ditu sari moduan film labur baten postprodukziorako (10.500 euroa) eta film luze baten postprodukziorako (35.000 euro).
Proposamenak aurkezteko epea apirilaren 3an bukatuko da.
Zure interesekoa izan daiteke
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.
Alauda Ruiz de Azua: "Ametsetako gaua da"
Barakaldar zinemagilea pozik agertu da "Los domingos" filmak bost Goya sari irabazi eta gero.
Jose Ramon Soroiz: "Puztuta, bete-bete eginda nago"
Legorretar aktoreak gizonezko aktore protagonista onenaren Goya saria irabazi du Bartzelonan, "Maspalomas" filmean egindako lanagatik.