Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez Nazioarteko Itsas Erakundeko (NIE) idazkari nagusiak astelehen honetan egindako prentsaurrekoan gogorarazi duenez, "inongo herrialdek ez du eskubiderik nazioarteko garraiorako erabiltzen diren itsasarteetatik pasatzeko eskubidea edo nabigazio-askatasuna debekatzeko”. Amerikako Estatu Batuek Ormuzeko itsasarteko joan-etorria erabat blokeatuko dutela iragarri ondoren egin ditu adierazpen horiek. Dominguezen aburuz, "legez hitz eginda, eta nazioarteko legediaren arabera", Ormuzen blokeoa ezin da justifikatu.
Irani ere egin dizkio kritikak, nahiz eta herrialdearen izena zuzenean ez duen aipatu. Itsasartetik igarotzeko bidesaria jarri izana arbuiatu du. "Nazioarteko itsas legearen eta itsasoko konbentzioen arabera (…) herrialde guztiek errespetatu behar dituzte ‘nabigazio xaloaren’ (nabigazio baketsu eta azkarra izendatzeko terminoa) eskubide guztiak, eta ez dago inolako bidesaririk sartzeko legezko mekanismorik, bidesari hori iragartzen duen herrialdea edozein dela ere", azpimarratu zuen Dominguezek, gerra hasi zenetik adierazitakoaren ildotik.
Bidesari bat ezartzeak "aurrekari oso arriskutsua sortuko du; izan ere, behin bat ezartzen duzunean, mota horretako neurriek aplikazio orokorreko eragin oso negatiboak izan ditzakete", ohartarazi du.
NIEren datuen arabera, trafikoa ia geldirik dago Ormuzen, eta azken bi egunetan 11 ontzik bakarrik zeharkatu dute itsasartea, Irani bidesaria ordaindu dioten ala ez jakin gabe.
Dominguezen hitzetan, Iranek beste lege-hauste bat ere egin du: Ormuzetik igarotzeko ibilbidea alde bakarrez aldatu baitu, ontziak Iranek eta Omanek (itsasertzeko bi Estatuak) 1968an sinatutako akordio batean ezarritako ibilbide tradizionaletik desbideratzera eta bere kostaldetik askoz ere hurbilago dagoen eremu batetik ibiltzera behartuz.
Bestalde, NIEko idazkari nagusiak nabarmendu du ez dela ahaztu behar duela hilabetetik inguru horretan ez aurrera ez atzera dauden nazioarteko zamaontzietako 20.000 tripulatzaileen kasua. Itsasartzearen blokeak sortu dituen arazo ekomikoei, pertsona horien arazoak gehitu behar zaizkie.
Zure interesekoa izan daiteke
AEBk Raul Castro Kubako presidente ohia inputatu du 1996an bi hegazkin erasteagatik
Duela berrogei urte, Kubako ehiza-hegazkinek Floridako itsasartean Anai erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.