"Hainbat ontzi" petrolio bila AEBra doazela esan du Trumpek eta Iranek ohartarazi du Ormuzera doazenek su-etena urratuko dutela
Ameriketako Estatu Batuek Ormuzko itsasartea blokeatuko dutela iragarri dute astelehenetik aurrera (14 GMT, 16:00ak Euskal Herrian eta 17:30ak Teheranen).
Lau ontzi Ormuzko itsasartean. Artxiboko argazkia: EFE
Asteburuan Iranen eta Ameriketako Estatu Batuen arteko bake elkarrizketak akordiorik gabe amaitu ostean, Donald Trump AEBko presidenteak Ormuzko itsasartea blokeatzeko agindua eman du astelehen honetatik aurrera. Irango Guardia Iraultzaileak, bere aldetik, Ormuzera gerturatzen den orok su-etena urratuko duela ohartarazi du.
Trumpek bart azpimarratu duenez, Ormuzko itsasartearen blokeoa iragarri ondotik "hainbat ontzi" ari dira petrolio bila Estatu Batuetara joaten.
Halaber, AEBk eta Iranek adostutako su-etenak indarrean jarraitzen duela azpimarratu du Trumpek. Are gehiago, Teheranek negoziatu nahiko duela uste du presidente estatubatuarrak, "etsita" eta "oso egoera txarrean" dagoela iritzita.
Irango Guardia Iraultzaileak astelehen goizaldean argi eta garbi utzi du Ormuzko itsasartera gerturatzen den ontzi orok su-etena urratuko duela. Trumpen iragarpenaren arabera, Ormuzko itsasartearen blokeoa Teheranen 17:30ak direnean (14 GMT eta 16:00ak Euskal Herrian) sartuko da indarrean.
Edozein kasutan, AEBk Ormuztik igarotzen utziko die Irango portuetatik edo portuetara ez doazen ontziei.
Zure interesekoa izan daiteke
AEBko banderarekin margotutako Venezuelaren mapa argitaratu du Trumpek 51. estatu gisa irudikatuz
Nicolas Maduro Venezuelako presidente kargugabetua urtarrilaren 3an atxilotu zutenetik, Trumpek hainbat aldiz iradoki du herrialdea bere lurraldera atxikitzea.
Europar Batasunak Itsaso Gorriaren misioa zabaltzea planteatu du, Ormuz babesteko, eta Libanon beste bat zabaldu
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko itsas garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".