Zinemaldia, euskarazko, eslovenierazko eta errumanierazko zinemarako leiho
Dantza (Telmo Esnal), Izbrisana / Erased (Miha Mazzini) eta Un om la locul lui / A Decent Man (Hadrian Marcu) dira Glocal in Progress sailaren lehen ediziorako aukeratutako europar filmak, eta, ondorioz, Europako hizkuntza ez hegemonikoetan egindako pelikula horiek erakutsiko ditu Donostiako Zinemaldiak profesionalei begira zabaldutako erakusleiho honetan.
Hiru lanok postprodukzio fasean daude, eta ekoizle, banatzaile, salmenta agente, programatzaile eta bestelako profesionalei erakutsiko dizkiete, bukatzen eta nazioartean zabaltzen lagun diezaieten.
Dantza lanarekin bosgarrenez hartuko du parte Telmo Esnal zuzendariak Donostiako Zinemaldian. 2005ean, Aupa Etxebeste! Asier Altunarekin idatzi eta zuzendutako pelikula aurkeztu zuen; 2009an, Amona putz! film laburra; 2011n, Urte berri on, amona! Zabaltegi-Zuzendari Berriak atalean; eta iaz, 64. edizioan, Iraila, Kalebegiak film kolektiborako Asier Altunarekin batera zuzendutako film laburra, Belodromoan erakutsi zena.
Bestalde, bai Izbrisana / Erased (Miha Mazzini) Eslovenia, Kroazia eta Serbiako ekoizpena bai Un om la locul lui / A Decent Man (Hadrian Marcu) errumaniarra beren zuzendarien lehen lanak dira.
Sail honen helburua da hizkuntza ez hegemonikoetan (alemana, gaztelania, frantsesa, ingelesa, italiera eta errusiera ez diren beste guztiak) filmatutako pelikulei ikusgarritasun handiagoa ematea.
“Dantza”
Dantza Telmo Esnalen film musikalak bizitzaren zikloaren eta gizakiaren eboluzioaren gaineko istorioa osatzen du, euskal dantzen eta beroriek jasotzen duten sinbologia osoaren bidez. Filmean, keinuek, abestiek, erritmoei eta hitz gabeko hizkuntzak dantzek iruten duten diskurtsoa bultzatzen dute.
Zure interesekoa izan daiteke
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.
'Maspalomas', film onena Zinemastearen 42. edizioan
Maspalomas, Jose Mari Goenagak eta Aitor Arregik zuzendutako filma Zinemastearen 42. edizioko onena izendatu dute.
'Maspalomas', Zinemastearen 42. edizioko film onena
Zuzendari onenaren eta aktore onenaren sariak ere jaso ditu, azken hori Jose Ramon Soroizek egindako lanagatik.