Zinebik 98 herrialdetako 3.183 film jaso ditu 59. ediziorako
Zinebi Bilboko Udalak antolatzen duen Dokumentalen eta Film Laburren Nazioarteko Jaialdiak azaroaren 10etik 17ra ospatuko du 59. edizioa. Lanak aurkezteko epea bukatuta, 98 herrialdetatik heldutako 3.183 film jaso ditu.
Jaialdiaren arduradunek jakinarazi dutenez, Euskal Herriko 70 film jaso dituzte; gainerakoan, Espainiako Estatutik 609 film heldu dira, Frantziakotik 417, Alemaniatik 238, Brasildik 156, Mexikotik 130, AEBtik 112, Argentinatik 101, Erresuma Batutik 92, Italiatik 75, Kolonbiatik 68, Txiletik 47, Venezuelatik eta Kubatik 11na eta Uruguaitik 10.
Zinema produkzio urria eta mendebaldeko ikus-entzuleentzat ezezaguna duten herrialdeen artean, Albania (1), Armenia (1), Azerbaijan (2), Arabiar Emirerri Batuak (9), Irak (3), Kazakhstan (1), Kosovo (2), Letonia (2), Malaysia (3), Namibia (2), Nepal (2), Hegoafrika (3) eta Thailandia (1) daude.
Halaber, film horien generoari dagokionez, Zinebiren araudian ezarritako hiru kategoriak kontuan izanda, fikziozko 1.870 lan (% 58,76), 935 dokumental (% 29,37) eta animaziozko 378 (% 11,87) aurkeztu dituzte.
Kartela
Bestalde, Oscar Mariné diseinugile eta marrazkilariak egin du Zinebiren 59. edizioko kartela, eta John Huston zuzendari, gidoilari eta antzezle estatubatuarra du protagonista, 1987ko abuztuaren 28an hil zenetik 30 urte bete berri direnean.
Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.