'Errementari' filmak irekiko du Fantasiazko eta Beldurrezko Zinemaren Astea
Urriaren 28an, larunbatarekin, Errementari (2017) Paul Urkijo gasteiztar zinemagileak zuzendutako filmaren proiekzioak Fantasiazko eta Beldurrezko Zinemaren Donostiako 28. Astea inauguratuko du, Antzoki Zaharrean. Emanaldi horrekin estreinatuko da filma Euskal Herrian, Sitgeseko zinemalditik igaro ondoren.
Kandido Uranga, Uma Bracaglia, Eneko Sagardoy, Itziar Ituño eta Ramon Agirre antzezleak agertzen dira "Patxi errementaria" herri ipuinean oinarrituta euskaraz filmatutako ipuin gotiko horretan.
Istorioari dagokionez, 1843an dago kokatuta, Lehen Gerra Karlista hasi eta 10 urtera. Arabako herrixka batean, Gobernuko komisario bat, Alfredo Patxi izeneko errementari arriskutsu eta bakarti batengana helduko da, gertakari bat ikertzen ari dela. Inguru horretako herritarren ahotik, hari buruzko istorio ilunak entzun ohi dira, lapurretekin, hilketekin eta deabruarekin egindako itunekin lotutakoak. Halako batean, ustekabean, Uxue izeneko neskatila umezurtz batek errementeria misteriotsuan sartzea lortuko du, eta hala aterako da argitara Patxi Errementariaren atzean dagoen egia izugarria.
Gainera, zinema jaialdiaren antolatzaileek bertan ikusi ahalko diren beste hainbat filmen berri eman dute, hala nola Les Affamés (Robin Aubert), Bad Black (Nabwana I.G.G.) ugandarra, Before We Vanish / Sanpo suru shinryakusha (Kiyoshi Kurosawa), Black Hollow Cage (Sadrac González-Perellón), The Crucifixion (Xavier Gens), The Endless (Justin Benson, Aaron Moorhead) Jupiter’s Moon / Jupiter holdja (Kornél Mundruczó) Siriako errefuxiatuen krisian oinarritutakoa, Meatball Machine Kodoku / Kodoku: Mitoboru mashin (Yoshihiro Nishimura), The Osiris Child: Science Fiction Volume One (Shane Abbess), Los resucitados (Arturo de Bobadilla) eta Revenge (Coralie Fargeat).
Bang! Bang!-en saio berezia
Urriaren 21ean, larunbatean, 19:30ean, Antzoki Zaharrean, Bang! Bang!-en beste saio bat izango da Beldurrezko Astearekin lankidetzan. Beetlejuice (Tim Burton, 1988) eta The Thing (John Carpenter, 1982) filmak emango dituzte.
dituzte.Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.