Hollywood, Oscarretarako prest
Astelehen goizaldean, mundua Los Angelesera begira izango da, Zinema Arte eta Zientzien Akademiak Oscar sariak banatuko baititu, laurogeita hamargarren aldiz, Dolby antzokian, Hollywooden, eta 225 herrialdetan baino gehiagotan ikusi ahalko da zuzenean iaz bezala Jimmy Kimmel komediagileak aurkeztuko duen gala.
Aurten, “The shape of water” Guillermo del Toro zuzendariaren filmak bildu ditu izendapen gehien, hamahiru, eta horren atzetik daude “Dunkirk” (Christopher Nolan), zortzirekin, eta “Three billboards outside Ebbing, Missouri”, zazpirekin.
Mexikar zuzendariaren filmak izendapen asko pilatu ditu, bere garaian “Mary Poppins”, “Eraztunen jauna”, “Forrest Gump” eta “Haizeak eramana” filmek lortu zituzten bezainbeste eta soilik “La La Land”, “Titanic” eta “All about Eve” lanek, hamalau izendapen lortu dituzten hiru film bakarrek, baino gutxiago.
Aurrekariak
Nolanahi den, erreferentziak batzuetan kale egiten badu ere, komeni da gogora ekartzea hain zuzen ere “Three billboards outside Ebbing, Missouri” gailendu dela zinema sarien denboraldian; izan ere, Urrezko lau Globo (film dramatiko onena, emakumezko aktore onena, bigarren mailako gizonezko aktore onena eta gidoi onena) eta bost Bafta sari (tartean, emakumezko aktore onenarena eta jatorrizko gidoi onenarena) irabazi ditu.
Ohorezko Oscarrak
2009. urtetik, Akademiak ez ditu Ohorezko Oscarrak gala nagusian ematen; azaroaren 11n jaso zituzten aurtengo saridunek: Charles Burnet estatubatuar zinemagilea, Owen Roizman argazkilaritza zuzendaria, Donald Sutherland kanadar aktorea eta Agnes Varda frantses zinemagilea, 2017ko Zinemaldiko Donostia sarietako baten irabazlea.
Izendatuak
Hauek dira 2018ko Oscarretarako izendatuak, sei atal nagusietan:
Film onena:
“Call Me By Your Name”
“Darkest Hour”
“Dunkirk”
“Get Out”
“Lady Bird”
“Phantom Thread”
“The Post”
“The Shape of Water”
“Three Billboards Outside Ebbing, Missouri”
Zuzendari onena:
“Dunkirk”, Christopher Nolan
“Get Out”, Jordan Peele
“Lady Bird”, Greta Gerwig
“Phantom Thread”, Paul Thomas Anderson
“The Shape of Water”, Guillermo del Toro.
Emakumezko aktore onena:
Sally Hawkins, “The Shape of Water”
Frances McDormand, “Three Billboards Outside Ebbing, Missouri”
Margot Robbie, “I, Tonya”
Saoirse Ronan, “Lady Bird”
Meryl Streep, “The Post”.
Gizonezko aktore onena:
Timothée Chalamet, “Call Me By Your Name”
Daniel Day-Lewis, “Phantom Thread”
Daniel Kaluuya, “Get Out”
Gary Oldman, “Darkest Hour”
Denzel Wasington “Roman J. Israel, Esq.”
Bigarren mailako emakumezko aktore onena:
Mary J. Blige, “Mudbound”
Allison Janney, “I, Tonya”
Lesley Manville, “Phantom Thread”
Laurie Metcalf, “Lady Bird”
Octavia Spencer, “The Shape of Water”
Bigarren mailako gizonezko aktore onena:
Willem Dafoe, “The Florida Project”
Woody Harrelson, “Three Billboards Outside Ebbing, Missouri”
Richard Jenkins, “The Shape of Water”
Christopher Plummer, “All the Money in the World”
Sam Rockwell, “Three Billboards Outside Ebbing, Missouri”.
Atzerriko hizkuntza:
“Una mujer fantástica” (Txile)
“L’insulte” (Libano)
“Loveless” (Errusia)
“The Wound” (Hegoafrika)
“The Square” (Suedia)
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.