Daniel Calparsorok 'thriller entretenigarri eta mamitsua' estreinatu du: 'El aviso'
Daniel Calparsoro donostiar zinemagileak ('Cien años de perdón', 'Salto al vacío'…) 'El aviso' thrillerra estreinatuko du gaur, martxoak 23, Hegoaldeko zinema aretoetan. Raul Arevalo, Aura Garrido eta Belen Cuesta aktoreak protagonista dituen filmaren gidoia Paul Pen idazlearen eleberri baten moldaketa da, eta filma, "inkomunikazioari buruzko metafora", unibertso paraleloekin jolasten da.
Filmaren protagonistak dira Nico, eskutitz batean heriotza mehatxuak jasoko dituen hamar urteko mutikoa, eta Jon (Raul Arevalo), zenbakiekin obsesionatuta bizi den gazte bat, hainbat urtean toki berean izandako hilketa batzuk ikertzen ari dena.
Calparsororen hitzetan, gertakariak bertora ekarri eta antzekotasunak errealitatean aurkitu dituzte, istorioa Toronton kokatu zuen estatubatuar idazlearen gidoia moldatu eta "benetakotasuna emateko": "Banku lapurreta bat, 30eko hamarkadan; hilketa matxista bat, 40ko hamarkadan; eta ETAren atentatu bat, 70eko hamarkadan. Pertsonaiei gertatzen zaiena errealitatearekin lotuta dago", esan du.
Thriller "mamitsua"
"Berehala ikusi nuen thriller berezia zela, oso pelikula entretenigarria izan zitekeela, puntu handikoa, eta gainera mamia zuela, zeren eta, azkenean, hizpide baitu gizon bat beste garai batean bizi den ume batekin nola komunikatzen den, berorren bizitza salbatzeko", Calparsororen arabera.
Horren esanetan, "pertsonaiak abiapuntu dituen thriller oso hunkigarria da filma: kontagaia ez da zer gertatzen zaien, ezpada azpian dagoenaz, inkomunikazioaz, hitz egiten duen istorio bat".
"Eleberriari intriga gehitu diogu: ume bat salbatu nahi duen gizon bat da, hori eginez bere burua ere salbatuko duena, nolabait", azaldu du.
Calparsororen ustez, "oso pelikula bizi eta entretenigarria da", eta onartu du 'A beautiful mind' (Ron Howard, 2001) eta 'The sixth sense' (M. Night Shyamalan, 1999) filmekin lotzea.
Zure interesekoa izan daiteke
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.