'Roma' eta 'The favourite' Oscarretarako galaren lehen lerroan
Alfonso Cuaronek zuzendutako Roma film mexikarra eta Yorgos Lanthimos greziarraren The favourite dira Oscar sarien 91. ediziorako izendapen gehien jaso dituzten lanak. Igande goizaldean, Euskal Herrian astelehen goizaldea dela, jakingo dugu nork eramango dituen estatuatxoak etxera.
Gala luzeegia ez izateko ahalegina egiten ari da Akademia, eta horregatik antolatzaileek aurkezlerik ez egotea erabaki dute, Kevin Hart aktore eta komediagileak ardura horri uko egin eta gero.
Galan egongo dena Queen taldea izango da, “Bohemian Rapsody" Freddie Mercury taldeko abeslaria izan zenaren bizitza kontatzen duen filmari izenburua ematen dion kantua joko baitute Los Angeleseko galan. Bost saritara izendatuta dago pelikula, tartean film onena eta gizonezko aktore onena.
Halaber, Akademiak atzera egin du zeremonia laburtzeko hartu zuen erabakietako batean: argazkilaritza, fikziozko film labur, editatze eta makillaje eta ile-apainketa onenari sariak publizitateak iraun bitartean emango zituela iragarri zuen, baina azkenean 24 sariak dagokienean emango dira, zuzenean.
Izendapenak
Roma film mexikarra eta The favourite dira faborito nagusiak Oscarretan, bakoitzak hamar ataletan lortu baitu izendapena.
Atzetik daude, zortzina izendapenekin, Vice, Christian Bale protagonista duen Dick Cheyney-ri buruzko film biografikoa, eta A star is born filmaren bertsio berria, Bradley Cooperrek zuzendua eta protagonista nagusitzat Lady Gaga duena, emakumezko aktore onenaren sailean izendatu dutena. Zazpi izendapen jaso ditu, halaber, Black Panther Marvelen superheroi filmak.
Hauek dira atal nagusietan izendatutakoak:
Film onena
"A Star is Born"
"Vice"
"Roma"
"Green Book"
"BlacKkKlansman"
"Bohemian Rhapsody"
"Black Panther"
"The Favourite"
Zuzendari onena
Alfonso Cuaron - "Roma"
Spike Lee - "BlaKkKlansman"
Adam McKay - "Vice"
Yorgos Lanthimos - "The Favourite"
Pawel Pawlikowski - "Cold War"
Emakumezko aktore onena
Lady Gaga - "A Star is Born"
Glenn Close - "The Wife"
Olivia Colman - "The Favourite"
Melissa McCarthy - "Can You Ever Forgive Me?"
Yalitza Aparicio - "Roma"
Gizonezko aktore onena
Bradley Cooper - "A Star is Born"
Rami Malek - "Bohemian Rhapsody"
Christian Bale - "Vice"
Viggo Mortensen - "Green Book"
Willem Dafoe - "At Eternity's Gate"
Bigarren mailako emakumezko aktore onena
Amy Adams - "Vice"
Regina King - "If Beale Street Could Talk"
Emma Stone - "The Favourite"
Rachel Weisz - "The Favourite"
Marina de Tavira - "Roma"
Bigarren mailako gizonezko aktore onena
Mahershala Ali - "Green Book"
Adam Driver - "BlacKkKlansman"
Richard E. Grant - "Can You Ever Forgive Me?"
Sam Rockwell - "Vice"
Sam Elliott - "A Star is Born"
Atzerriko film onena
"Capernaum" - Libano
"Never Look Away" - Alemania
"Shoplifters" - Japonia
"Roma" - Mexiko
"Cold War" - Polonia
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.