Euskal zinema, Valentziara begira
Fernando Albizu, "Maixabel" filma, Kiko de la Rica, Antxon Gómez, "Zutik" animaziozko filma, "Nacer" film laburra… Hainbat euskal ekoizpen eta profesionalek hitzordua dute larunbatean, otsailak 12, Valentzian, Espainiako Zinema Akademiak urteroko bere sariak banatuko baititu egun horretan hiri horretako Les Arts espazioan.
"Maixabel" pelikula, euskal zinematografiako urteko fenomeno handienetakoa, hamalau sailetan dago izendatuta: film onena, zuzendari onena (Icíar Bollaín), jatorrizko gidoi onena (Icíar Bollaín eta Isa Campo), jatorrizko musika onena (Alberto Iglesias aste honetan Oscarretarako ere izendatu duten donostiarra), gizonezko aktore onena (Luis Tosar), emakumezko aktore onena (Blanca Portillo), bigarren mailako gizonezko aktore onena (Urko Olazabal), emakumezko aktore berri onena (María Cerezuela), ekoizpen zuzendaritza onena (Guadalupe Balaguer), edizio onena (Nacho Ruíz Capillas), zuzendaritza artistiko onena (Mikel Serrano bi Goyaren irabazlea "Handia" eta "Akelarre" pelikulengatik), jantzien diseinu onena (Clara Bilbao), makillaje eta ile-apaintzea (Karmele Soler Goya sari baten irabazlea "La piel que habito"gatik eta Sergio Pérez Berbel) eta soinu onena (Alazne Ameztoy Goyaren irabazlea "La trinchera infinita"rekin, Juan Ferro eta Candela Palencia).
Baina EITBren parte-hartzearekin Maixabel Lasa Juan María Jauregui ETAk hildako politikariaren alargunaren eta senarra hil zioten ETAko kideen arteko topaketak kontatzen dituen filma ez da Espainiako Akademiaren saria irabazteko euskal hautagai bakarra, Jorge Guerricaechevarría gidoilaria ("El día de la bestia", "Celda 211", "Carne trémula"…), esaterako, gidoi egokitu onenaren sailean lehiatuko da, Daniel Monzón zuzendariarekin batera "Las leyes de la frontera" Javier Cercasen eleberria pantailara eramateko egindako lanagatik.
Euskal ekoizpena da, halaber, "Nacer" animaziozko film laburra. Iván Miñambres UniKo bilbotar ekoiztetxeko kideak bultzatu du Roberto Valle toledoarrak zuzendu duen filma.
Animaziozko lanekin jarraituta, animaziozko film onenaren atalean "Zutik" Iker Alvarezek eta Haizea Pastorrek zuzendutako pelikula izango da sariaren bila. Mezu ekologista eta soziala helarazten duen euskal filmak, EITBren parte-hartzea duenak, lehiakide bitxia izango du atal horretan: "Gora automatikoa!".
IRAKURRI IKER ALVAREZ ETA HAIZEA PASTORRI EGINDAKO ELKARRIZKETA
"Euskal animazioak aitortza gehiago behar ditu"
Izenak kontrakoa iradoki lezakeen arren, "Gora automatikoa!" ez da euskal ekoizpena. David Galán Galindo, Esaú Dharma eta Pablo Var zinemagileek Goya bat irabazteko helburu soilaz sortu dute pelikula hau, iaz atal horretan aurkeztu zen pelikula bakarrak "La gallina turuleca" lanak izan zuen arrakasta errepikatzeko asmoz. Euskal izena jarri diote "azken urteetan euskal pelikulak izan direlako saritu eta izendatuenak" (sic).
"El buen patrón" Fernando León de Aranoaren filmak Goyen historian beste edozein pelikulak baino izendapen gehiago, hogei, bildu ditu aurtengoan, hain zuzen ere "Días contados" Imanol Uriberen filmak 1995ean hemeretzi lortuta jarri zuen marka hobetuta.
Hogei izendapen horietako bat, bigarren mailako gizonezko aktore onenaren sailekoa, Fernando Albizu gasteiztarrarena da, pelikula horretan Roman segurtasun zaindari kikilaren larruan egindako lanari esker.
Halaber, Kiko de la Rica bilbotar argazki zuzendaria ("Mediterraneo") eta Antxon Gómez donostiar zuzendari artistikoa ("Madres paralelas"), biak ere bilbotarrak, kirioak dantzan egongo dira, seguru asko, larunbat gauean, Les Arts espazioko besaulkietan, agertokira igo eta garaikurra jasotzeko gogoz.
Cate Blanchett eta José Sacristán
Goya sarien galan, Jose Sacristán aktore beteranoak Ohorezko Goya jasoko du, eta Cate Blanchett australiar aktoreak Nazioarteko Goya, aurten lehenengoz emango duten golardoa.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.