"CODA"k ezustekoa eman du Oscar sarietan
"CODA" filmak ezustekoa eman du Oscar sarietan, Los Angelesen egindako galan. Film onenaren, gidoi egokitu onenaren (La Famille Bélier 2014ko frantziar pelikula baten remake-a da) eta bigarren mailako gizonezko aktore onenaren (Troy Kotsur) sariak irabazi ditu. Gorren familia batean hazi den neska baten istorioa kontatzen du filmak.
Apple TV+ plataformak (AEBn erabiltzaile askorik ere ez duen plataforma da, eta, ondorioz, litekeena da film onenaren Oscarra jaso aurretik inoiz ikusle gutxien izan dituen filma izatea "CODA", sarien historian) 25 milioi dolarrean erosi zuen "CODA" (ingelesez, "pertsona heldu gorren seme-alabak" sintagmaren akronimoa), Sundanceko jaialdian saria irabazi eta gero, eta ekoizleen, aktoreen eta gidoigileen sindikatuen sariak ere irabazi berri ditu pelikulak aurreko asteetan.
Aktore gehienak pertsona gorrak dira, eta ekoizleek eskerrak eman dituzte saria jasotzeko orduan, "familiari eta maitasunari buruzko pelikula bat" aukeratzeagatik.
Zuzendari onenaren Oscar saria Jane Campionek irabazi du "Txakurren atzaparrak" filmagatik, Will Smithek, gaueko protagonistak, gizonezko aktore onenaren saria eraman du "Rikardo erregea" lanean egindako lanagatik eta Jessica Chastainek emakumezko aktore onenaren saria jaso du "Tammy Fayeren begiak" pelikulan egindako paperagatik.
Bigarren mailako aktore onenaren saria Ariana DeBosek bereganatu du "West Side Story" filmean egindako lanagatik.
Gidoi egokitu onenaren saria, esan bezala, "CODA"rentzat izan da, eta jatorrizko gidoi onenarena "Belfast" Kenneth Branaghen pelikularentzat.
"Gidatu nire autoa" film japoniarrak irabazi du atzerriko film onenaren Oscar saria.
Sari gehien, sei, "Dune" zientzia-fikziozko klasikoaren Denis Villeneuveren egokitzapenak jaso ditu, sail teknikoetan.
Will Smith, Chris Rocki zaplazteko eta guzti, protagonista izan duen erasoa gorabehera (estatubatuar aktoreak "Txakurren atzaparrak" filmak maisuki irudikatzen dituen maskulinitate toxikoen adibide garbia pantailaratu du bere jarrerarekin eta ondorengo hitzaldi negargarriarekin), galak hainbat une gogoangarri utzi ditu, hala nola Francis Ford Coppola, Robert de Niro eta Al Pacinoren bidez "Aita jauna"ri eta John Travolta, Uma Thurman eta Samuel L Jacksonen bitartez "Pulp fiction"i egindako omenaldiak.
Hunkigarria izan da, halaber, Lady Gaga eta Liza Minnelli agertokira "CODA" filmari saria emateko agertu diren unea.
Zure interesekoa izan daiteke
Silver Film Festivalek Elena Irureta omenduko du
Jaialdiaren laugarren edizioa apirilaren 20tik 24ra egingo dute, Bilbon, eta 16 filmen proiekzioa, solasaldiak eta hitzaldiak antolatu dituzte. Maiatasuna eta sexua adinari begiratu gabe bizitzeko gonbita egingo du, bost egunez.
"Itzalak argitzen": Euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok Itzalak argitzen dokumentala ondu dute, 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: Hamaseigarrenean, aidanez (Anjel Lertxundi, 1985), Zergatik panpox (Xabier Elorriaga, 1985), Ehun metro (Alfonso Ungria, 1985) eta Oraingoz izen gabe (Jose Julian Bakedano, 1986). Euskadiko Filmategiaren Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.