Binochek, malkoei ezin eutsita, "konpartitutako isiltasuna" goraipatu du Donostia Saria jasotzean
Juliette Binoche aktoreak bere ibilbidean zehar bidelagun izan duen isiltasuna goraipatu du Donostia Saria jasotzeko ekitaldian: "Isiltasunik gabe ez dago hitzik ezta espiriturik ere". Oso hunkituta agertu da Donostiako agertokian, eta ezin izan die malkoei eutsi.
Senideek, gertukoek eta lankideek erakutsitako eta emandako guztiari eskerrak eman dizkie Binochek, baina guztiaren gainetik isiltasuna jarri du. Esan duenez, isiltasunak ematen duen "indarrean" topatzen ditu "sentsazioak eta emozioak".
Donostiako zinemazaleei lezioa eman die Binochek, eta, nolabait, bere begiradaren argiaren sekretua argitu du: "Isiltasunik gabe ez dago hitzik ezta espiriturik". Isiltasun hori, gainera, zuzendariekin, beste aktoreekin eta zinema munduko lankideekin konpartitzearen garrantzia azpimarratu du frantziarrak. Izan ere, horrela "urrezko hari bat ehuntzen da eta hori pelikula bilakatzen da".
Poesiaz betetako hitzaldi labur baina hunkigarria bukatzeko, eskerrak eman dizkio euskaraz Jose Luis Rebordinos Zinemaldiko zuzendariari, eta gaztelaniaz Isabel Coixeti. Zuzendari kataluniarrak, izan ere, golardoa eman dio.
Coixetek Binocheren bere jarraitzaile guztiek dakitena berretsi du: "Egia da aurpegitik argia dariola, oso eskuzabala, pelikula berarekin egiten duten guztiak bustitzen dituena. Bere pertsonaia guztiak erabat desberdinak dira, baina argi arraro eta aparteko horrek jo ditu".
Kataluniarra gustura geratu da "ezagutzen dudan emakumerik basatiena eta askeena" deskribatzean: "Juliette ume bat eta oso atso jakintsua da. Animalia basatia da eta hontz pausatua da. Aingira da, eta lehoi bat da, eta ate bat da, eta leiho bat da, eta zubi bat da, eta bide bat da, eta gotorleku bat da, eta basoko txabola bat da, eta basoa bera da, eta izarrez betetako baso horretako zerua da".
Eneko Sagardoy aurkezleak gogorarazi duenez, bere historian 70 ohorezko sari banatuta heldu da Zinemaldia bere 70. kapitulura. Gaur, Juliette Binoche "klub esklusibo" horri batu zaio.
Zure interesekoa izan daiteke
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.