Binochek paper batzuei "ezetz esaten" jakin behar dela esan du, "kode matxistak" ekiditeko
Juliette Binochek, Donostia Saria jaso aurretik emandako prentsaurrekoan, ziurtatu du aktore batek "ezetz esaten eta paperak baztertzen jakin" behar duela. Pozik agertu da Isabel Coixetek emango diolako saria Kursaalean. Gala zuzenean emango dute ETB4k eta eitb.eus-ek, 22:00etatik aurrea.
Aktore frantziarrak zuzendari katalana "biziki miresten" duela adierazi du, eta "azkarra eta oso kultua" dela esan du. "Zezena adarretatik hartzea gustatzen zaion pertsona bat da, miresten eta maite dudana", esan du.
Binochek azaldu duenez, ez du zinemaren "ikuspegi orokorrik", "tokian bertan dagoen emakumea naizelako, nire baitan bilatzen dudana eta gidoi batekin aurrez aurre jartzen naizena". Antzezten duenean ez ditu inoiz paperak "epaitzen", baizik eta "papera maitatzen" saiatzen da, eta "gidoian eboluzio bat egotea" bilatzen du, "gizatiarragoa egingo duen barne-ibilbide bat". "Ibilbide iniziatikoa da aktore gisa gehien interesatzen zaidana", azpimarratu du.
Emakume aktore helduentzako paper gutxiago ote dagoen galdetuta, berak ez duela horrela sentitzen esan du, ez baitzaio lanik falta, agian "zorte handia" duelako edo zuzendari askorekin duen harremanagatik. Hala ere, beste aktore batzuek "pairatzen" dutela onartu du. Bere ustez, batzuetan "zinema kodetuari ezetz esan behar zaio" eta "ezezagunera salto egin, kode matxistetatik salto egin".
Jean Luc Godard zendu berriari buruz, adierazi du berarekin filmatu zuen filmean jakin zuela "errealizadore bat ez dela nahitaez zuri laguntzera doan pertsona bat" eta "dutxa hotz bat" bezala izan zela berarekin lan egitea. "Harreman erraza" izan ez bazen ere, Binochek gogorarazi du "pozik eta hunkituta" zegoela zinemagilearentzat lan egiteagatik, eta ikasi zuen zinema "ez dela ikastetxeko patioa, arduratsua izan behar dela". "Ez zen batere erraza izan berarekin lan egitea", gaineratu du.
Zure interesekoa izan daiteke
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.