Zine aretoen elkarteak 'Maixabel'en arrakastari segida eman dio EZAE Saria eskainita
Euskadiko Zine Aretoen Elkarteak Maixabel pelikulari eman dio bere saria, euskal zinemari egindako ekarpenagatik. Iciar Bollainek zuzendutako pelikularen lantaldeak Zinemaldiaren baitan jaso du VIII. EZAE Saria, Kursaaleko Prentsa Kluba aretoan.
Horrela, EAEko zine aretoek filma saritu dute "euskal zinema industriari egindako ekarpenagatik, sarreren salmenta izandako arrakastagatik, egindako ibilbideagatik eta bere kalitate bikainagatik". Gogorarazi dutenez, Maixabel-ek Zinemaldian bertan jaso zuen aurrenekoz arrakastaren emaitza, eta ondoren, "sariz eta aintzatespenez betetako ibilbidea egin du".
Koldo Zuaza ekoizleak jaso du saria, Maixabel Lasarekin berarekin batera, eta oso pozik agertu da. Azpimarratu duenez, filmak "zinema gainditu du, Maixabel Lasaren balioak erakusten baititu, unibertsalak direnak". Zuazak gogorarazi du filma Euskal Herritik haratago dagoen fenomeno bihurtu dela, eta duela gutxi itzuli zela NBEren terrorismoaren biktimen kongresu batetik, New Yorketik, "harrera ikaragarria" izan eta gero.
Aitziber Atorrasagasti Eusko Jaurlaritzako Kultura Sustatzeko zuzendaria, Joxean Fernandez Zinemaldiko zuzendaritza batzordeko kidea eta Alfonso Benegas EZAEko presidentea ere saria emateko ekitaldian izan dira.
Zinema aretoetan arrakasta handia lortu duten pelikulak saritu ohi ditu elkarteak. 2015etik, Loreak, Amama, Handia, Dantza, La trinchera infinita eta Akelarre aintzatetsi ditu EZAEk, eta 2017an Juanba Berasategi zinemagileari omenaldia egin zion.
Albiste gehiago zinema
Patxi Bisquert: "Pena da Pello Mari Otaño ahanzturaren zuloan egotea"
Zizurkildar aktore, zuzendari eta ekoizleak Pello Mari Otaño bertsolari eta idazlearen gaineko film biografikoa egin du. Joseba Usabiaga aktorea da, pantailan, Argentina eta Euskal Herri artean joan-etorrian ibili zen poeta, eta filmaren nazioarteko estreina gaur egingo dute, 19:00etan, Donostiako Zinemaldian. Joseba Elorza kazetariak Bisquert elkarrizketatu du, "Egun On" saioan.
Eloy eta Ivan, deabru berak hartuak
Biek, Eloy de la Iglesiak eta Ivan Zuluetak, erabili izan zuten zeluloidea espresabide. Zigor kolpe moduan ere bai. Bazekiten (bederen, bazuten susmo argia) zer zegoen jokoan baina ez zuten atzerapausorik eman.
“Frankenstein” izango da Zinemaldiaren film sorpresa
Antzoki Zaharrean eta Victoria Eugenia antzokian proiektatuko da bihar Guillermo del Torok zuzendutako filma eta, larunbatean, hirugarrenez, Belodromoko pantaila erraldoian. Oscar Isaac, Jacob Elordi, Christoph Waltz eta Mia Goth dira protagonistak.
Milaka jarraitzaileren aurrean estreinatu da "Go!azen" telesailaren 12. denboraldia Zinemaldian
Arrakastaz ekin dio EITBko telesailak denboraldi berriarako ibilbideari. Zinemaldiaren barruan, Anoetako belodromoan egin da lehen aurrestreinaldia. Aurten, gainera, bigarren pase bat ere izango da hurrengo ostiralean.
Jendetza batu da Donostian Palestinaren alde, zinema munduak bultzatutako manifestazioan
Euskal Herriko komunitate palestinarrak deituta eta zinemako profesionalek babestuta, milaka herritarrek manifestazioa egin dute Donostian, Israel Gazan egiten ari den genozidioa salatzeko. Bertan izan da "The Voice of Hind Rajab" pelikulako lantaldea.
Victoria Eugenia Antzokiak txalo artean hartu ditu "The Voice of Hind Rajab" filmeko protagonistak, Gazako genozidioaren aurkako manifestazioaren atarian
"The Voice of Hind Rajab" filma proiektatu dute Donostiako Victoria Eugenia Antzokian, eta bertaratutakoek zazpi minutuko txalo zaparrada eskaini diete haren protagonistei, Palestinaren aldeko adierazpenen artean. Filmak sei urteko neskato baten istorioa kontatzen du. Neskato horrek laguntza eskatu zuen, Israelgo armadak erasotako ibilgailu batean harrapatuta geratu ondoren. Motaz Malhees eta Saja Kilani aktoreak, hunkituta, kalera atera dira, Gazako genozidioaren aurkako manifestazioa hastear zegoela, eta eskainitako elkartasun keinuak eskertu dituzte.
Zinemaren mundua, bat eginda, Donostian Gazako genozidioaren kontra
Zinemako profesionalek eta herritarrek The Voice of Hind Rajab filmaren proiekzioa aprobetxatu dute, eta Victoria Eugenia antzokitik abiatu dira Palestinaren aldeko manifestazioan. Pelikulako protagonistek eraman dute pankarta, 'Genozidioa STOP. Free Palestine' lelopean.
Colin Farrell denbora laburrez izan da jarraitzaileekin Donostiara iritsitakoan
Aktore irlandarrak Sail Ofizialeko pelikula batekin heldu da Zinemaldira: Edward Bergerrek zuzendutako Ballad of a Small Player.
"The Voice of Hind Rajab" filmeko aktoreak, hunkituta eta eskertuta Donostiako gizartearen erantzunarekin
Motaz Malheesek eta Saja Kilanik, Gazako neskatoari buruzko pelikulako protagonistek, Palestinako genozidioaren kontrako manifestazioan parte hartuko dute, proiekzioaren ostean.
Rebordinosek euskal zinemaren eta jaialdiaren balantzea egin du: "Inoiz ez dugu hain zinematografia ona izan"
Jose Luis Rebordinos Donostiako Zinemaldiaren zuzendaria pozik dago euskal zinemaren sasoi onagatik, ez baita egun bateko kontua, eta azpimarratu du bermatuta dagoela hurrengo urteetan euskal ikus-entzunezkoak munduko zineman presentzia izango duela.