Bi euskal zuzendari, Zinemaldiko Sail Ofizialean
Jaione Camborda eta Isabel Herguera donostiar zinemagileek beren film berriak aurkeztuko dituzte Donostiako Zinemaldiko Sail Ofizialean, jaialdiak irailaren 22tik 30era Gipuzkoako hiriburuan ikusgai egongo diren Estatuko pelikulak aurkezteko egin duen ekitaldian iragarri dutenez.
Isabel Herguera "Sultanaren ametsa" EITBren parte-hartzea duen animaziozko filmarekin lehiatuko da Urrezko Maskorraren eta gainerako sari nagusien bila. Pelikulan, Ines animaziozko zinemako zuzendaria Ahmedabaden dago, Amar indiar maitalearekin harremana eteteko asmoz. Halako batean, "Sultana's dream" Rokeya Hossainek idatzitako eleberria aurkituko du kasualitatez liburu denda batean, eta emakumeek gobernatutako herrialde baten istorioak liluratuta utziko du. Inesek pelikula bat egitea deliberatuko du orduan, eta Inesen eta Rokeya Hossainen istorioak elkarrekin paraleloan mugituko dira.
Jaione Cambordak, bestalde, "O corno" eramango du Zinemaldiko Sail Ofizialera, Galizian galizieraz filmatutako pelikula, "Arima" donostiar zuzendariaren debutaren ondoren datorrena.
"O corno" ("Adarra") Galiziako landa eremuan girotuta dago, 1970eko hamarkadaren hasieran. Emagin batek Portugalera ihes egin beharko du, kontrabandistek erabiltzen zuten bide batetik.
Jaione Camborda, 'O corno' filmatzen. Argazkia: Mario Llano.
Halaber, Isabel Coixet zuzendari katalana ere izango da Sail Ofizialean, gaurko ekitaldian jakin dugunez. "Un amor" Sara Mesa sevillarraren eleberriaren egokitzapena aurkeztuko du Coixetek, eta Herguerari, Cambordari eta aurrekoan Zinemaldiak iragarritako lehen izenei batu zaie Sail Ofizialean izango diren zuzendarien zerrendan.
Zabaltegi-Tabakalera
Horrez gain, Zabaltegi Tabakalera sailean ere izango dira euskal ekoizpenak, biak Señor y Señora donostiar ekoiztetxearen eskutik: "Mamantula" Ion de Sosaren film ertaina eta "Contadores" Irati Gorostidiren film laburra, EITBren parte-hartzea duena.
Zabaltegi-Tabakalera Donostia Zinemaldiko lehiazko sailen artean irekiena da, ez baitu, estiloari edo denborari dagokionez, inolako arau edo mugarik. Epaimahai batek ebazten du zein den irabazlea, eta 20.000 euroko saria du.
Lehiatik kanpo
Sail Ofizialean izango dira, halaber, baina lehiatik kanpo, "La mesias" Javier Ambrossi eta Javier Calvo Los Javisen zazpi ataleko telesaila eta "They shot the piano player" Fernando Truebaren eta Javier Mariscalen animaziozko film berria, emanaldi berezi gisa. Azken horren narratzailea Jeff Goldblum da, eta artista askoren musika entzuten da, hala nola Caetano Veloso, Antonio Carlos Jobim, Joao Donato, Bill Evans…
Belodromoan, bestalde, bi telesail estreinatuko dituzte: "Esta ambicion desmedida" C. Tangana musikariaren birari buruzkoa eta "El otro lado" beldurrezko telesaila.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.