19 film eskainiko dira Zinemaldiko Made in Spain sailean, tartean, 5 estreinaldi
Donostiako Zinemaldiko 71. edizioko Made in Spain saila 19 film luzek osatuko dute. Lehiazkoa ez den sail honetan, urteko film espainiarren hautaketa bat biltzen da. Aurtengo proiekzioen artean, mundu mailako bost estreinaldi izango dira, eta gainerakoak beste zinemaldi batzuetatik igaro diren edo duela gutxi estreinatu diren filmak dira.
Estreinaldien artean, Alvaro Longoriaren La vida de Brianeitor dago. Zuzendari eta produktore kantabriarrak desgaitasun fisikoa duen gazte baten istorioa dakar. Desgaitasun hori ez da oztopo bere garaiko gamer edo jokalaririk onenetakoa izateko. Pelikula hau aukeratu dute sailari amaiera emateko.
Estreinaldiekin jarraituz, Juan Francisco Viruegak Amanece, bere lehen film luzea, ekarriko du Zinemaldira, eta Mercedes Moncada Rodriguezek, berriz, Hormigas perplejas aurkeztuko du.
Horrez gain, Juanma Betancorten Semilla del son estreinatuko da, Santiago Auseron musikariaren Kubako itzulia ardatz duen road movie soinuduna.
Bestalde, Itsaso Arana Las chicas están bien lanarekin iritsiko da Zinemaldira. Zuzendari gisa duen estreinaldian, aktore lanak ere egin ditu gazte nafarrak, Barbara Lenniek eta Irene Escolarrek bezala. Antzezlan bat entseatzeko landetxe batean bildutako emakume talde baten gorabeherak kontatzen ditu lan honetan.
Halaber, Made in Spain sailak Asedio, Miguel Angel Vivasen thriller bat, eta Bajo terapia, Gerardo Herrero zinemagileak Malena Alterio, Alexandra Jiménez, Fele Martínez, Antonio Pagudo, Eva Ugarte eta Juan Carlos Vellido aktoreekin egindako azken lana, ere jasotzen ditu.
Elena Martín Gimenoren Creatura, Burnin' Percebes kolektiboaren El fantástico caso del Golem, Elena Traperen Els encantats, Juan eta Facundo Ponce de Leon anaia uruguaitarren Hay una puerta ahí eta Paloma Zapataren La Singla ere proiektatuko dira.
Hauek ere izango dira ikusgai: Moises Salamaren La memoria del cine: una película sobre Fernando Méndez-Leite, Alvaro Gagoren Matria eta Claudia Pinto Emperador zinemagile hispanovenezuelarrak Alzheimerra diagnostikatu ondoren Carme Eliasen bizitza jarraitzen duen Mientras seas tú lana.
Saila osatzeko, Diego Llorenteren Notas de verano, Carla Subiranaren Sica eta Unzué. L'últim equip del Juancar ditugu, alboko esklerosi amiotrofikoa duen Barçako atezain ohi eta entrenatzaile Juan Carlos Unzueren eguneroko erretratua.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.