Andrea Jaurrietaren eta Clara Bilbaoren film berriak Malagako jaialdian lehiatuko dira
Malagako Zinema Jaialdiak martxoaren 1etik 10era egingo du 27. edizioa, eta Sail Ofiziala zein filmek osatuko duten iragarri dute gaur. Tartean dira Nina Andrea Jaurrietaren bigarren film luzea eta Tratamos demasiado bien a las mujeres, Clara Bilbao bilbotarrak zuzendua.
Ninak EITBren parte-hartzea du, eta Nina (Patricia López Arnaiz) du protagonista: jaioterrira itzuliko da, 45 urterekin, bizitza hondatu zion eta herritarrak erabat alde dituen gizonari mendekua hartzeko. Kostaldeko herrian batuko dira, eta azalera irtengo dira iragana eta Blas, haurtzaroko laguna, mendekua bide bakarra ote den pentsaraziko diona, filmaren sinopsian azaldu dutenez.
Ana de día Jaurrietaren filmaren ondorengoa Mundaka eta Bermeon filmatu zuten sei astez, iazko udaberrian, eta Lopez Arnaizen ondoan agertzen dira Darío Grandinetti (Empieza el baile), Aina Picarolo (La casa entre los cactus), Iñigo Aranburu (Los Europeos), Mar Sodupe (La Caza) eta Ramon Agirre (Amour).
Tratamos demasiado bien a las mujeres Clara Bilbaoren lehen film luzea da, bi film labur zuzendu eta jantzi onenen hiru Goya sari irabazi eta gero. Antzeztaldean daude Carmen Machi, Antonio de la Torre, Diego Anido, Óscar Ladoire, Ayax Pedrosa, Luis Tosar, Gonzalo de Castro, Juan Luis Pérez, Sergio Alfonso, Juan Luis Cano eta Josele Santiago.
Sebastián Borensztein, David Trueba, Verónica Chen, Isaki Lacuesta eta Emilio Marínez-Lázaro zuzendariek ere aurkeztuko dituzte beren film berriak Malagako jaialdiaren Sail Ofizialean.
Film laburrak
Film laburren Sail Ofizialean ere, euskal zuzendariak ugari daude zerrendan: Kote Camacho (Puzzleak. Bortxaketaren jauregia), Eneko Sagardoy (Betiko gaua), Ekain Irigoien (Europa), Jasone Urgoitia Urrutia (Armata), David Pérez Sañudo (Agrio), Marta Etura (Lucía), Raúl Campos (El aprendiz), Sonia Estévez (Malkoak) eta To bird or not to bird.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.