"Ombuaren itzala" filma bultzatzen ari dira, Pello Mari Otañoren omenez
Patxi Bisquert aktore eta zinemagilea aspaldidanik ari da Ombuaren itzala, Pello Mari Otaño zizurkildar poeta eta bertsolaria zenaren (Zizurkil, 1857 – Rosario, 1910) bizitzari eta obrari buruzko pelikula, aurrera ateratzeko teman. Orain, dirua biltzeko kanpaina kolektibo bat, "auzolan bat", jarri du martxan, proiektuaren "produkzio gastuak ordaintzeko".
"Emigrantearen herriminetik eta herri zapaldu baten berpizkundetik eginiko bidaiari" sostengua eman nahi dionak Verkami plataformako kanpainan parte hartu ahalko du, eta proiektuari zer diru ekarpen egin nahi dion zehaztu.
Pello Mari Otañok 1876an, Foruen abolizioaren ondoren, ihes egin zuen lehen aldiz Ameriketara, eta bi-hiru urteren buruan itzuli zen Zizurkilera, Brasilen, Argentinan eta Uruguain artzain eta ferratzaile ibili ondoren.
Gero, Ameriketara itzultzea erabaki zuen, eta ia hamar urte egin zituen bertan gautxo, abereak zaintzen, gaixotu eta Euskal Herrira itzultzea erabaki zuen arte. Momentu horretantxe hasiko da Ombuaren itzala filmaren narrazioa.
Karlisten eta liberalen arteko liskarrek zeharkatzen zuten gizarte batean, Otaño bere lekua aurkitzen saiatuko da: Madalen Alberdirekin ezkonduko da, eta nolabaiteko oihartzuna lortuko du bere poesia konposizioengatik.
Halere, Argentinara itzuli behar izango du Otañok bigarrenez, familiarekin batera, etorkin ekonomiko gisa. Han, poema bat idatziko du, ombú Argentinako zuhaitza eta jaioterriko baserriaren ondoko intxaurrondoa gogoan hartzen zituena. Hortik Bisquerten proiektuaren izena.
Bertso paperak, olerki bildumak eta Artzai mutilla opera argitaratu zituen Otañok, besteak beste.
Patxi Bisquert zuzendari eta ekoizlearekin batera, aktore hauek hartuko dute parte filmean: Uma Manterola, Olatz Beobide, Sara Cozar, Joseba Usabiaga, Iñaki Beraetxe, Ramon Agirre eta Kandela Manterola.
Zure interesekoa izan daiteke
EZAEk Zinemaren Euskal Festa ospatuko du larunbat honetan
Ekimenak publikoarekin loturak indartzea eta zinema-aretoen balio kulturalaren aitortza bultzatzea du helburu. Sarrera guztiak 3 euroko prezio sinbolikoan eskainiko dira.
Ikusi primizian "El mal" Bajo Ulloaren film berriaren trailerra
EITBren parte hartzea duen filmean, inoizko hiltzaile handienari buruzko liburu bat idazteko proposamena jasoko duen kazetari baten istorioa kontatzen du Juanma Bajo Ulloa zinemagile gasteiztarrak.
Odola! Odol gehiago!
Telebista-emankizun batentzako kamerak har dezaken horretatik harago doaz beti Albert Serraren eta Imanol Rayoren objektiboak, errealitateak ezkutatzen duen ‘egia’ horren bila. Eta ez egia biribila, osoa, aldaezina den hori, baizik eta gauzen, gizakion, bizidunen, momentuen esentzia dardartia gordetzen duena.
Oscarren banaketa ekitaldia Youtuben ikusi ahal izango da 2029tik aurrera
Hollywoodeko Akademiaren eta bideo plataformaren arteko akordioa 2033ra artekoa da gutxienez.
"Las hijas" filmaren grabaketan izan gara, Urduñan
Urduñan (Bizkaia), Las hijas filmatzen ari dira, EITBk parte hartzen duen pelikula. Emakumeak protagonista dituen thriller psikologikoa da eta hausnarketa sakona egitera gonbidatuko gaitu. Bost aste daramatzate grabazioak egiten, eta filmaketaren azken egunetan daude; beraz, laster ikusiko dugu pantaila handian.
Rob Reiner aktore eta zine zuzendaria eta Michele Singer haren emaztea hilda aurkitu dituzte Los Angelesen
Los Angeleseko Polizia ustezko homizidio gisa ikertzen ari da gertaturikoa.
'Los domingos' eta Jose Ramon Soroiz garaile Forque sarietan, Goyen atarian
Donostian Urrezko Maskorra eskuratu ostean, Alauda Ruiz de Azuaren filmak irabazi du larunbat honetan fikziozko film luze onenaren saria. Patricia Lopez Arnaizek eta Soroizek eskuratu dituzte aktore onenen golardoak.
Ikusi primizian "Aro berria" filmaren sekuentzia bat
Irati Gorostidiren lehen film luzeak aipamen berezi bat jaso zuen Donostiako Zinemaldiko New Directors sailean, eta ostiralean, abenduak 12, zinema aretoetara iritsiko da. Primizian erakusten dizugun txatalean, Oliver Laxe zinemagilearen kolaborazio berezia agertzen da. Donostian, 1978an, hainbat langilek asanblea egingo dute, greba bat bideratzeko, baina azkenean ez dute adostasun nahikorik lortuko. Etsirik, aldaketa sozialerako irrika bizitza pertsonalera eramango dute, eta komunitate bat sortuko dute, mendialdean. EITBren parte-hartzea du filmak.
"One Battle After Another" nagusi, Urrezko Globoen izendapenetan
Paul Thomas Andersonen filma dago Hollywoodeko atzerriko prentsaren sarietako izendapenen zerrendaren buruan, eta Affeksjonsverdi, Sinners, Hamnet eta Frankenstein ere nabarmendu dira. Jacob Elordik bi sari lortzeko hautagai da: Frankenstein filmagatik bigarren mailako gizonezko aktore onenaren sailean, eta The Narrow Road to the Deep Northgatik, minisail bateko gizon protagonistaren atalean.
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.