Euskal partaidetza oparoa, aurtengo Donostiako Zinemaldian
Donostiako Zinemaldiak irailaren 20tik 28ra 72. edizioan parte hatuko duten Espainiako Estatuko ekoizpenak iragarri ditu gaur, ostiralarekin, Madrilen, Arte eta Zientzia Zinematografikoen Akademiaren egoitzan.
Sail Ofizialean, Urrezko Maskorrerako lehian, Iciar Bollain madrildar zinemagileak Soy Nevenka filma aurkeztuko du, Urko Olazabal bilbotar aktorea protagonista duela, eta Pilar Palomero zaragozarrak Los destellos, Eider Rodriguez Bihotz handiegia errenteriar idazlearen kontakizunean oinarrituta. Patricia Lopez Arnaiz gasteiztarra da, gainera, film horren protagonista.
Sail Ofizial horretan bertan, baina lehiatik kanpo, Alauda Ruiz de Azuak (Cinco lobitos) Querer telesaila aurkeztuko du, 30 urtez ezkonduta egon ostean senarrarekin hautsi eta bortxaketa jarraituagatik salaketa jarri dion emakume baten istorioa kontatzen duen lana, Nagore Aranburu protagonista dela. Javier Ginerrek eta Aitor Gabilondok, bestalde, Yo, adicto seriea erakutsiko dute, sari nagusietarako bidetik at hori ere, eta Paula Ortiz zinemagileak La virgen roja film luzea, Najwa Nimri protagonista duela.
Sail Ofizialetik kanpora, David Perez Sañudok Azken erromantikoak Txani Rodriguezen izen bereko eleberrian oinarritutako filma aurkeztuko du, New Directors atalean, Ane bere lehen filmarekin egin zuen bezala. Miren Gaztañaga da EITBren parte-hartzea duen pelikulako aktore nagusia, bularrean koskor bat detektatzen diotenean bizitza osoa birplanteatu beste erremediorik izango ez duen emakume baten rolean.
Bestalde, Izibene Oñederra azkoitiar zinemagilea Zabaltegi-Tabakaleran lehiatuko da, Etorriko da (Eta zure begiak izango ditu) animaziozko film laburrarekin.
Halaber, Diego San Jose gipuzkoarrak sortu eta Elena Trapek zuzendu duen Celeste seriea Belodromoan proiektatuko dute oso-osorik, guztira sei atal: Carmen Machi aktorea Zerga Administrazioko Estatu Agentziako ikuskatzailea da, eta, erretiroa hartzear dagoela, musika latinoamerikarreko izar batek Ogasun Publikoari iruzur egin diola frogatzeko enkargua jasoko du.
Donostiako Zinemaldiak, gainera, Albert Serra katalana (Tardes de soledad tauromakiari buruzko ez-fikziozko filma) eta Pedro Martín-Calero (El llanto) ere Sail Ofizialean izango direla iragarri du.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.