Barbara Goenaga, Itziar Ituño, Marta Etura eta Eneko Sagardoy, Zinemaldiko galetan
Andreu Buenafuente eta Berto Romero komiko katalanek aurkeztuko dute, irailaren 20an, Donostiako Zinemaldiaren irekiera ekitaldia, Barbara Goenaga gipuzkoar aktorearekin batera. Itziar Ituño eta Malcolm Treviño-Sitté aktoreek gidatuko dute amaierako gala, eta Donostia sariak banatzeko ekitaldiak Marta Eturak eta Eneko Sagardoyk.
Eturak Cate Blachetti Donostia saria emateko ekitaldia aurkeztuko du, larunbatean, hilak 21, 19:15ean; Sagardoyk, berriz, Pedro Almodovar saritzeko ekitaldia, ostegunean, hilak 26, 18:00etan.
Cate Blanchetten ohorezko ekitaldiaren ondoren, Rumours filma emango da, Cannesko zinema-jaialdian estreinatua. Guy Maddinek eta Evan eta Galen Johnson anaiek zuzendutako filmean, Blanchettek Alemaniako kantzilerrarena egin du, G7ko bilera batean anfitrioi lanak egiten dituena, krisi global betean.
Pedro Almodovarri Tilda Swinton aktoreak emango dio saria, zeremoniaren ondoren emango den pelikularen protagonistak, La habitación del lado / The Room Next Door filmaren protagonistak, alegia.
Amaierako galan, Itziar Ituñok eta Malcolm Treviño-Sitték aurkeztutako sari banaketaren ostean, We Live in Time filma proiektatuko da, John Crowleyk zuzendua eta Andrew Garfield eta Florence Pugh protagonista dituena.
Bihar, asteartea, jarriko dira salgai lau saioetarako sarrerak. Hasiera- eta amaiera-ekitaldietarako sarreren prezioa 80 eurokoa izango da, eta Donostia sariak ekitaldikoak 50ekoa.
Javier Bardemek iazko Donostia saria jasoko du
Inaugurazio galan, Emmanuelle Audrey Diwanen filmaren mundu mailako estreinaldiaren aurretik, Javier Bardemek iaz AEBko interpreteen grebaren ondorioz jaso ezin izan zuen Donostia Saria jasoko du.
ETBk eta eitb.eus-ek lau galok emango dituzte, zuzenean.
Albiste gehiago zinema
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.
15 filmek hartuko dute parte Zinegoak zinema jaialdiko Sail Ofizialean
Bilboko LGTBIQ+ zinema eta arte eszenikoen jaialdiaren 22. edizioan, Zero Chou taiwandar zinemagileak jasoko du Ohorezko Saria. "Jone, batzuetan" filmaren Euskal Herriko estreina egingo dute.