"Del revés 2" izan zen iaz pelikula ikusiena Araba, Bizkai eta Gipuzkoako zinema aretoetan
"Del revés 2" animaziozko filma izan zen "nabarmen" 2024an Araba, Bizkai eta Gipuzkoako zinema aretoetan ikusle gehien bildu zituen pelikula, EZAE Euskadiko Zine Aretoen Elkarteak zabaldu dituen datuen arabera. 261.933 pertsonak ikusi zuten Pixarren pelikula.
EZAEk ohartarazi du EAEko zinema aretoetan % 6 jaitsi dela ikusleen zenbatekoa, 2023ko datuekin erkatuta (3.640.000tik 3.421.000ra pasatu da), baina diru bilketari dagozkion zenbakiak parekatuago daude (% 1 jaitsi da).
Elkarteak AEBko gidoigile eta aktoreen grebari egotzi dio beheraldi hori, "aurreikusita zeuden nazioarteko hainbat estreinaldi 2025era atzeratu baitziren horren ondorioz".
2024an, gainera, "ez da euskal filmen arrakasta handirik nabaritu leihatilan, 2023an 'Irati' edo '20.000 erle-espezie' filmekin gertatu zen bezala".
2024an, 10 film hauek izan dira ikusienak: 'Inside out 2', 'Deadpool y Lobezno', 'Gladiator II', 'Gru 4 mi villano favorito', 'Vaiana 2', 'La Infiltrada', 'Dune: Parte Dos', 'Kung Fu Panda 4', 'Robot salvaje' eta 'Padre no hay más que uno 4'.
EZAEk zinema areto hauek biltzen ditu: Golem Alhondiga (Bilbo), Bastero Kulturgunea (Andoain), Areria (Lazkao), Gurea (Villabona), Ikusgarri (Lekeitio), Meatzari (Muskiz), Antiguo Berri (Donostia), Florida (Gasteiz), Gorbeia (Etxabarri-Ibiña), Niessen (Errenteria), Principe (Donostia), Trueba (Donostia), Getxo Zinemak, Zugaza (Durango), Multicines (Bilbo), Olalde (Mungia), Oñatiko Zinema, Ururbe (Beasain) eta Zelai Arizti (Zumarraga).
Albiste gehiago zinema
Ione Hernandez bere lehen film luzea filmatzen ari da, Emma Suarez eta Elena Anaya aktoreekin
Zinemagile eta antzerkigilearen lehen film luzeak baten semeak bestearen alabari egindako sexu-eraso bati aurre egin beharko dioten bi ahizparen istorioa du kontagai.
Imanol Uribe, zinema aretoetara bueltan, "La sospecha de Sofía" filmarekin
Segoviako ihesa, Mikelen heriotza eta Días contados filmen zuzendariaren film luze berria urriaren 3an iritsiko da Hegoaldeko zinema aretoetara.
Euskadiko Filmategiak 14 film klasiko proiektatuko ditu udazkenean
Pelikulok, tartean euskarazko lau film ertain zaharberritu, Gasteizen, Donostian, Bilbon, Iruñean eta Donibane Lohizunen ikusi ahalko dira.
Zinemaldiaren uzta Bilbora eta Iruñera iritsiko da
Donostiako Zinemaldiak jaialdian erakutsi dituzten filmetako batzuk proiektatuko ditu Bizkaiko eta Nafarroako hiriburuetako Golem zinema aretoetan; besteak beste, Karmele eta Los domingos Urrezko Maskorraren irabazlea izango dira ikusgai.
Jose Luis Rebordinos: "Zaila izango da errepikatzea euskal ekoizpenek aurten izan duten emaitza paregabea"
Aurtengo Zinemaldia emaitza paregabearekin amaitu da euskal ekoizpenentzat. Jose Luis Rebordinos jaialdiko zuzendaria harro agertu da, pozik; izan ere, pelikulak inoiz ez bezala txalotu dituztela adierazi du. Jatorrizkoa: Gaztelaniaz.
Alauda Ruiz de Azua: "Donostian gertatutakoa bidaiaren hasiera da"
Alauda Ruiz de Azuaren Los domingos filmak irabazi du Donostiako Zinemaldiaren 73. edizioko Urrezko Maskorra. Barakaldoko zuzendariak esan du "amets bat" bizitzen ari dela, baina ikusleek filma aretoetan nola hartzen duten ikusi arte itxaron behar dela.
Zilarrezko Maskorra eskuan, gertatzen ari zaiona sinetsi ezinik dago Jose Ramon Soroiz
Euskal aktoreak irabazi du Donostiako Zinemaldiko interpretazio onenaren saria, Maspalomas filmean egindako lanagatik. Ex aequo irabazi du, Zhao Xiaohong txinatarrarekin (Her heart beats in its cage) batera.
Jose Ramon Soroizek irabazi du interpretazio onenaren Zilarrezko Maskorra, Zhao Xiaohong aktore txinatarrarekin batera
Jose Ramon Soroiz aktore euskaldunak irabazi du Donostiako Zinemaldiko interpretazio onenaren saria, 'Maspalomas' filmean egindako lanagatik. Ex aequo izan da saria, Zhao Xiaohong txinatarrarekin ('Her heart beats in its cage' ) batera. Soroizek filmeko zuzendariei eta bere familiari eskerrak eman dizkie, baita bere herriari, Legorretari, ere.
“Los domingos”ek loria erdietsi du, Urrezko Maskorra irabazita
Alauda Ruiz de Azua barakaldarraren filmak irabazi du Zinemaldiko sari nagusia, baita Euskal Zinemaren Irizar saria ere. Jose Ramon Soroizek “Maspalomas” pelikulan egindako interpretazio erraldoiak, bestalde, interpretazio onenaren saria ekarri dio aktore legorretarrari, Zhao Xiaohong txinatarrarekin "ex aequo".
"Aro berria" Irati Gorostidiren filmak epaimahaiaren aipamen berezia jaso du New Directors atalean
"Aro berria" filmak istorio hau kontatzen du: Ur-kontagailuen fabrika bateko langileak batzartu egin dira azkenean aurrera egingo ez duen greba bat eztabaidatzeko. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek fabrika utzi eta mendietako komunitate isolatu batean integratuko dira, non dozenaka gaztek bilaketa bizia egingo duten esperientzia katartiko partekatuen medioz.