Urtebetean, % 11 hazi da Bilbao Bizkaia Film Commissionek lagundutako ikus-entzunezko ekoizpenen kopurua
Bilbao Bizkaia Film Commissionek lurralde horretan 2024an egindako ikus-entzunezko ekoizpenen berri eman du gaur Bilbon, kazetarien aurrean. Bizkaiko Aldundiak eta Bilboko Udalak filmaketak erakarri, kudeatu eta laguntzeko 2014an sortu zuten zerbitzu publikoaren datuen arabera, % 11 areagotu dira denetariko ekoizpenak (168), % 26 filmatze-egunak (1.294), % 133 film luzeak (28) eta % 57 telesailak (11).
43 iragarki, 7 argazki-saio, 16 film labur, 25 telebista-programa, 28 dokumental, 8 bideoklip eta 2 webserie filmatu ziren 74 udalerritan.
Ikus-entzunezkoetan aritzen diren 448 enpresa zenbatu ditu Bilbao Bizkaia Film Commissionek, eta 1.941 enplegu sustatu dituzte ekoizpenek, horien % 75,2 (1.460 afiliazio), Bilbon.
Iaz, Soy Nevenka, Azken erromantikoak, Los aitas, La tregua, Karmele eta Maspalomas film luzeak filmatu ziren Bizkaian, esaterako, eta Zeru ahoak, Querer eta Catch you later telesailak, batzuk aipatzearren.
Onura fiskalak
2023az geroztik, Bizkaiak zerga-pizgarriak eskaintzen dizkie nonahiko ekoizpenei, "betiere horien balio kulturala egiaztatzen bada".
Kenkariaren horien zenbatekoa % 35etik % 60ra bitartekoa da, eta % 10 gehiago handitu daiteke euskara hutsean egindako ekoizpenetarako; kasu horretan, beraz, %70eko gehieneko kenkaria lor daiteke.
2025
Aurten ere, ikus-entzunezko hainbat proiektu martxan daude dagoeneko Bizkaian. Adibide gisa, Inurri itsuak filma jarri dute gaurko ekitaldian; Ramiro Pinillaren eleberrian oinarritutako pelikula Igor Legarretak (Ilargi guztiak, Cuando dejes de quererme) zuzenduko du, eta Itziar Ituño eta Urko Olazabal izango dira protagonistak. EITBren parte-hartzea du filmak.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.