"Jone, batzuetan" eta "Todo lo que no sé" filmak Malagako jaialdiko Sail Ofizialean lehiatuko dira
Malagako zinema jaialdia martxoaren 14tik 23ra egingo dute, Andaluziako hirian, eta Jone, batzuetan Sara Fantova zinemagilearen (Bilbo, 1993) lehen film luzea eta Todo lo que no sé Ana Lambarri enkarterriar zinemagilearen lana Sail Ofizialean lehiatuko dira, besteak beste, Daniel Guzmanen, Belén Funesen, Celia Ricoren eta Gracia Querejetaren azken filmekin.
Abuztu betean, Jone 20 urteko emakumea Bilbon kokatzen du Jone, batzuetan EITBren parte-hartzea duen euskarazko filmean. Aste Nagusia hasi berritan, lehen aldiz maiteminduko da, eta zirrara hori aitaren gaixotasunarekin nahasiko zaio.
Todo lo que no sé filmaren protagonista Laura da. Bizimodu aspergarria du, eta ohikotasun hori goitik behera etorriko da halako batean iraganeko proiektu bat berreskuratzen duenean. Susana Abaituak gorpuzten duen pertsonaiak lehen mailan jarriko du bere burua, eta ordaina jaso beharko du horregatik.
Sail Ofizialean ikusi ahalko dira, halaber, lehiatik kanpo hori bai, Faisaien irla Asier Urbietaren opera prima, Los aitas Borja Cobeagaren film berria eta 8 Julio Medemen lana.
Dokumentalen arloan, Ander Duque bilbotarrak Burnout aurkeztuko du, artearen arloko prekarietateaz Felipe Almendrosekin batera idatziriko lana, eta Tamara Garciak Locas del ático dokumental laburra. Film laburrei dagokienez, Eneko Muruzabalek Planetagatik erakutsiko du, Ander Iriartek Judoka, Estibaliz Urresolaren gidoia duen pelikula, eta María Algorak eta Mikel Bustamantek Lo que no se ve suizidioari buruzko lana; animazioan, Begoña Arosteguik El cambio de rueda Goya sarietan izendatutako pelikula, Izibene Oñederrak Etorriko da (eta zure begiak izango ditu) eta Sonia Estevezek Plazer bat erakutsiko dute; eta Elixabet Nuñezek A-Maniki bere lehen filma.
Halaber, Afirmando los Derechos de las Mujeres (emakumeen eskubideak berresten) atalean, Ane Inés Landetak eta Lorea Lyonsek Azkena film laburra aurkeztuko dute, amatasunari buruzko hausnarketa bat, eta Ander Iriartek eta Amaia Merinok Indarkeriaren oi(h)artzunak Giza Eskubideen Donostiako Zinemaldian film luze onenaren saria irabazi zuen lana.
Cine Cocina atalean, lehiatik kanpo, Mugaritz. Sin pan ni postre Andoni Luis Adurizen jatetxeari buruzko dokumentala aurkeztuko du Paco Plaza zinemagileak. Horrez gain, Documentales Pases Especiales atalean Dolores Ibarruri Pasionariari eta Urtaini buruzko dokuentalak programatu dituzte; azken lan horrek EITBren parte-hartzea du. Paco Rabanne, una vida fuera del patrón lana ere ikusi ahalko da, Pasaian jaiotako jostunari buruz.
Jone, batzuetan, Faisaien irla, Los aitas, Azkena, Judoka, Etorriko da (eta zure begiak izango ditu) eta Indarkeriaren oi(h)artzunak filmek EITBren parte-hartzea dute.
Zure interesekoa izan daiteke
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.
Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.