Giza Eskubideen Donostiako Zinemaldiak Helena Taberna sarituko du
Faisaien irla Asier Urbietak Bidasoko mugaren inguruan jositako fikziozko filmak apirilaren 4an ireki, eta Good one India Donaldsonen filmak itxiko du, lehiatik kanpo, Giza Eskubideen Donostiako Zinemaldiaren 22. edizioa. Aurten, 15 lan izango dira guztira Film Luzeen Sail Ofizialean, tartean Empoderío Lara Izagirrek emakume ijitoen Bilboko talde bati buruz egin duen dokumentala, Alma del desierto (Monica Taboada-Tapia), L'Histoire de Souleymane (Boris Lojkine) paperik gabeko rider migratzaileen gaineko lana, The New Year That Never Came (Bogdan Muresanu) Ceau¿escuren agintaldiaren amaierari buruzko filma eta Tratado de invisibilidad (Luciana Kaplan) Mexiko Hiriko garbiketako langileei buruzko istorioa.
Nazioarteko Film Laburren Sail Ofizialean, 12 lan lehiatuko dira, tartean Her name is Ida norvegiarra, The man who could not remain silent Balkanetako gerran kokatutako istorio lazgarri eta humanista eta Mariem saharar musikari baten agurra kontatzen duen istorioa.
Euskal Film Laburren Sail Ofizialean, bestalde, lan hauek erakutsiko dituzte: 16060 egun (Iñaki Alforja, Iban Toledo), Azkena (Ane Ines Landeta, Lorea Lyons), Capitanes (Kevin Castellano, Edu Hirschfeld), Errotatiba (Iratxe Fresneda), Gure oilarra kanpoan da (Carlota Galilea), Locas del atico (Tamara Garcia Iglesias), Patrimonio (Aitor Abio) eta, lehiatik kanpo, Zona Wao (Nagore Eceiza).
Gainera, Helena Taberna zinema gidoilari, zuzendari eta ekoizleak zinema jaialdiaren saria jasoko du, apirilaren 11n, itxiera ekitaldian. Jaialdiaren arduradunek "hautatzen dituen proiektuen koherentziagatik eta bere estilo zinematografiko pertsonalagatik" nabarmendu dute nafar zinemagilearen ibilbidea. Varados pelikula proiektatuko dute, sariarekin lotuta.
Sarrerak (5 €) martxoaren 28an, ostirala, jarriko dituzte salgai, 11:30ean, Antzoki Zaharreko eta Victoria Eugeniako leihatiletan eta Donostia Kulturaren webgunean.
Zinemaldiaren helburua da "kalitatezko zinemaren bidez giza eskubideen defentsaren eta urraketaren hainbat alderdiri buruzko hausnarketa, sentsibilizazioa eta eztabaida bultzatzea, baita justizia eta ekitate sozialarekin konprometitutako herritar aktiboak egon daitezen sustatzen laguntzea ere".
Zure interesekoa izan daiteke
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.