Film laburrak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Korterrazak aire zabaleko zinema aretoa zabalduko du Gasteizen

Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Korterraza 2024, Artium
Korterrazaren 2024ko edizioa

Azken eguneratzea

Egunotan, ekainaren 25etik 28ra, Gasteizek hartuko du protagonismo nagusia Korterraza film laburren jaialdiko programazioan. Uda osoan, irailaren 5era arte, egongo da martxan jaialdiaren alderdi ibiltaria, eta Arabako 41herritara iritsiko da, doako 47 emanalditan.

Gasteizen txanda ekainaren 25etik 28rako tartean izango da, eta Artiumera ez ezik Izaskun Arrue Kulturgunera ere iritsiko da programazioa: euskarazko film laburren saio bat egingo dute bertan asteazkenean, hilak 25, 20:00etatik aurrera: Komando Marmitako (Uxue Botas eta Ane Nafarrate), Judoka (Ander Iriarte), Hotz (Lander Castro), Ehiza (Aitzol Saratxaga) eta Dinosaurioak (Koldo Almandoz).

Film laburren emanaldiak Artium barruko plazara mugituko dira ostegunetik, hilaren 26tik aurrera. Ostegunean, 22:00etatik aurrera, El lado más bestia de la vida (José Antonio Campos), Plazer bat (Sonia Estévez), Las cucarachas (Ainhoa Aldanondo), 893 kilómetros (Rubén Guindo), L´Acquario (Gianluca Zonta) eta Lamietxe (Eneko López de Luzuriaga) ikusi ahalko dira

Ostiralean, film labur hauek proiektatuko dituzte: Grecorromanos (Mikel Bustamante), Insalvable (Javier Marco), La Mort (Jesús Martínez, Nota), Chicken Jazz (Imanol Ruiz de Lara), Siesta (Javier Gómez Bello), Pálpito (Marisa Crespo eta Moisés Romera) eta Cólera (Jose Luis Lázaro). 

Larunbatean, berriz, beste hauek: La fuerza (Cristina Martín Barcelona eta María José Martín Barcelona), La Mort (Jesús Martínez, Nota), La piscina (Santiago Cardelú-Ruiz-Alberdi eta Pablo Manchado Cascón), Depredador (Javier Fresser), Donde se quejan los pinos (Ed Antoja), Interior / Día (Carolina Hernández Correa), La reina de los idiotas (J. K. Álvarez) eta ¿Cómo que abuela? (Xabi Vitoria).

EITB Saria, Ramón Bareari

Jaialdiak Ramon Barea aktoreari emango dio, ekainaren 28an, “EITB Saria, film laburra babesteari” saria, bilbotar aktoreak film laburretan egindako bideagatik.

Kontzertuak

Korterraza Gasteizek, proiekzioekin batera, kontzertuak eskainiko ditu ekainaren 26tik 28ra bitartean: ostegunean (hilak 26) Mississipi Queen & The Wet Dogs (18:30) eta The Bellrays (20:00) taldeen kontzertuak egongo dira; ostiralean, Still River eta Anaut arituko dira; eta larunbatean Olharizu eta Sex Museum. 

Zinema Gasteiz

Zure interesekoa izan daiteke

Paul Urkijo: “Euskal izaki mitologikoak modu eder eta epikoenena erakutsi nahi nituen”
18:00 - 20:00
Zuzenean
Duela  min.

Paul Urkijo: "Euskal izaki mitologikoak modu eder eta epikoenean erakutsi nahi nituen"

Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.

Paul Urkijo Yune Nogueiras eta Erika Olaizolarekin "Gaua" filmatzen
18:00 - 20:00
Zuzenean
Duela  min.

Paul Urkijo: “Txikitan jaso nituen gaueko istorio guztien multzo bat da ‘Gaua’”

Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.  

Patricia López Arnaiz "Singular"
18:00 - 20:00
Zuzenean
Duela  min.

"Singular" Alberto Gastesiren filma azaroaren 28an iritsiko da zinema aretoetara

Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak  "Adimen artifizialaren mugak eta giza dolua aztertzen dituen zientzia-fikziozko thriller honek  EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.  

Gehiago kargatu
Publizitatea
X