Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
32 aktorek hartzen dute parte Paul Urkijoren Gauan, gehi bukaerako akelarrean dantza, kanta, oihu, edan, otoi beltz eta txortan egiten duten estra mordo batek. Gehi akziozko 8 ordezkok. Azken horien izenik jakin nahi? Hona hemen: Santiago Seguraren Torrente hirugarrenean lehenbizikoz ezagutu genuen Amaya Gonzalez; Iratin Edurne Azkarateren ordezkoa izateaz gain, El Hoyo 2n aritu zen Sira Hernandez, Rosaliaren hainbat bideoklipetan agertzen zaigun Javier Cornelio…
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, fantasiaren mugetan aritzen bagara.
Bederatzi jostunek luzatu zioten eskua jantzien arduraduna izan zen Nerea Torrijos ospe handiko diseinatzaileari, zeina, egun, euskal zinemaren erreferente eta influencer erabatekoa bilakatu baita, arropa kontuetan beti. Arte zuzendaritzan eskarmentu oparo eta ederra duen Izaskun Urkijo ofizio handiko jendearekin ibili zen beharrean, Gauak exijitzen eta merezi zuen itxura osoa emanez. Atrezzoko pieza guztiak ziren beren ardura. Txikienak (izkina batean ikusleek antzemango ez luketen lapiko baten tapa…) handienak nola. Bere departamentuan bazuen Izaskunek bi kide ezinbesteko eta bikain: arte kontzeptuaz arduratzen zen Marc Mestre Giné, eta bertan, filmaketan, adi zegoen Benedetta Lorusso. Trebatu da bera maite ditugun bi pelikula zeharo majotan, Cobeagaren Los Aitasen eta Agustina Macriren Miss Carbónen. Benedettak arotz ere jardun zuen Bilboko Zinebi aspaldiko batean arrakastatsu suertatu zen Jone Arriolaren Dena asmatua dago laburrean.
Amaierarik ez duen zerrenda batean jarrai genezake gustu handiz. Lau zuzendaritza-laguntzaile izan ditu Paul Urkijok. Haien artean lehena, Post Mortem labur interesgarriaren egilea den Jaione Daubagna.
"Gaua"
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
Hogei inguru izan dira efektu berezi eta bisualetako sortzaileak…. Amaiezinak, bai, bukaerako tituluak.
Hortxe agertzen dira pelikula non filmatuko zen aurkitu zuten esploratzaileen izenak ere. Gaua-ren gaueko paisaiak Nafarroako Xareta bailarakoak dira. Baita Gipuzkoako Artikutzaren basokoak ere. Gaueko izakiak aise ibiltzen dira Legution dagoen Albertia pagadian. Besterik? Jakina, sorgin maitatu hiru horiek biltzen diren garbitokia Arabako Letona kontzejuan dago. Gorbeian den Oroko Andra Mariren santutegian filmatu zen Mateo Txisturen istorioa, eta, baserriak aipatzerakoan, ezin ahaztu bata Igartubeiti museoa denik eta Bizkaiko Orozkon aurkituko genukeela bestea.
Informaziorik nahi amaierako akelarreaz? Plano-sekuentzia markaz fuerakoan da sortua, eta Gipuzkoako Oarsoaldeko eskualdean diren Zinealde plato ikaragarrietan filmatu zuten. Plano horretarako, eszena izugarri horretarako, baso oso bat eraiki behar izan zuten. 
Zuraz eta metalez egindako 170 arbola dituen oihana...
Gaua hilaren 14an estreinatu zen. 99 aretotan. 9.000 lagunek ikusi zuten asteburu hartan. 60.000 euro inguru jaso zuen diru-txartel leihatilan. Ez zen hasiera txarra. Gure etxe ondoko aretoetan darraio. Harro. Sendo. Misteriotsu, Aranzazu Calleja eta Maite Arroitajauregiren musikak sorginkeria areagotzen duela. Ez ahaztu leloa, Aker beltz, musu beltz!
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.