Otamendi "pozik", baina "partidaren bigarren zatia geratzen da"
Martxelo Otamendi Egunkaria-ren zuzendari ohia eta Berria-ren zuzendaria "pozik" agertu da Auzitegi Nazionalak absoluzioa eman duelako Egunkaria-ko bost auzipetuentzat, baina ohartarazi du "partida ez dela bukatu, bigarren zatia geratzen da". Izan ere, ''Egunkaria auzia''ren zati ekonomikoa epaitzeke geratzen da, eta gaurko ebazpenaren kontra helegitea aurkeztuko dutela uste du.
Euskadi Irratiari ebazpenaren berri izan eta gutxira eskainitako elkarrizketa batean adierazi duenez, "oso litekeena da errekurtso bat izatea galdu dutenen partetik".
"Pozik gaude, baina partida ez da bukatu, bigarren zatia geratzen da eta Auzitegi Gorena ez da jokatzeko zelai atsegina", adierazi du Otamendik Euskadi Irratiko mikrofonoetan.
"Orain zentra gaitezen Gorenak ere absoluzioa eman dezan", gaineratu du Egunkaria-ren zuzendari ohiak. Izan ere, auzi ekonomikoa deritzona geratzen da epaitzeke, horretan, iruzur fiskala leporatzen diote Egunkaria-ri, baina ETAko kide izateaz absolbitu dituztenez, auzia Tolosako edo Donostiako auzitegiak epaitu behar duela uste du Otamendik.
Martxelo Otamendik azaldu du ANk auziperatuak inkomunikatu izana salatzean "Auzitegi Nazionalak dezente esan duela, ebazpen bateak inkomunikazioagatik kezka agertzea dezente da".
Ospakizuna
Otamendik iragarri du bihar auzipetuek eta abokatuek prentsaurrekoa emango dutela "berotasuna eman diguten guztioi" eskerrak emateko egingo dituzten ekitaldien berri emateko.
Oleaga
Bestalde, Xabier Oleaga Euskaldunon Egunkaria-ko zuzendari ohiak esan duenez, gaur jakinarazi duten epaia "Egunkaria auziaren bukaeraren hasiera" izan daiteke. "Egun zoriontsua da gaurkoa gure bizitzetan", esan du Radio Euskadin.
Hala ere, ez du baztertu epaitegietara joan eta salaketa aurkeztea. "Ikusiko dugu epaia nola idatzi duten, baina lojikak salaketa aurkeztu behar dugula esaten digu", nabarmendu du.
Bere hitzetan, "arrazoiak" badaude ''Egunkaria auzia''gatik "kontuak eskatzeko, baina ikusiko dugu hori nola gelditzen den".
"Zortzi hilabetez kartzelan egon nintzen, eta horrek ondorio larriak ekarri dizkigu etxean".
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".