50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
ETAren mehatxua 1975eko udan heldu zen lehenengoz Berazadi familiarenera. Aingeru Berazadi Sigma enpresaren zuzendari-kudeatzaileak mehatxu gutun bat jaso zuen. Zazpi hilabete geroago, Aitaren Egunean, Cristina alabak etxera deitu zuen aita zoriontzeko. Eta albiste lazgarria jaso zuen: aita bahitua zeukaten.
1976ko martxoaren 19a zen, eta egun hartan Mari Carmen Estarta emaztearen beldurra errealitate bihurtu zen. “Aita euskaldun peto-petoa zen, eta beti esaten zuen ni ez naute harrapatuko, nola harrapatuko naute ba. Esan nahi balu bezala, ni haietako bat naiz, euskalduna”, gogoratzen du, EITBren aurrean, Cristina Berazadik, Aingeru Berazadiren sei seme-alabetan gazteenak.
Bahituta, 20 egunez
Bahiketak 20 egun iraun zuen, Itziarko baserri batean, harik eta ETA politiko-militarreko Komando Bereziak hil arte. 1976ko apirilaren 8a zen, eta Aingeru Berazadi Azkarateko gainean agertu zen, buruan tiro bat zuela.
Hilketatik mende erdia igaro denean, Cristina Berazadik, orduan 13 urteko neskatila zenak, aitaren memoria omendu nahi izan du: “Ondo baino hobeto gogoratzen dut aita. Bere usaina gogoratzen dut, dena. Zorionez badut oroitzapen hori; ezagutzeko aukera izan nuen”.
Aingeru Berazadi Zarautzen jaioa zen, nahiz eta urte haietan Donostiako Intxaurrondo auzoan bizi zen eta Elgoibarren lan egiten zuen. Enpresari ezaguna izateaz gain, euskararen eta euskal kulturaren sustatzailea izan zen, eta Elgoibarren, Zarautzen eta Donostian ikastolak babestu zituen. Hil zenean, hileta jendetsua egin zen Elgoibarko Foruen plazan.
Eragin handia enpresariengan
ETAk hildako lehen enpresaria izan zen Aingeru Berazadi, baita bahiketa baten ondoren hil zuten lehen pertsona ere. Hilketa haren eragina izugarria izan zen.
Jesus Alberdi enpresariak EITBrentzat gogoratu du hilketa haren eragina eta, oro har, ETAk enpresa munduan sortu zuen mehatxua: “Beldurraren poderioz finantzatzea nahi zuten. Horrek laga zuen inpaktu psikologikoa eta emozionala enpresarien artean eta beren familien artean handia izan zen”, azaldu du Alberdik.
Berazadiren hilketa, alabaina, zigorrik gabe geratu zen, 1977ko amnistiaren ondorioz. Bahiketaren eta hilketaren arduradunak 17 eta 22 urte bitarteko lau gazte izan ziren. “Ez zen epaiketarik egon”, gogoratu du alabak.
Cristina Berazadiri 40 urte kostatu zitzaion bere aitaren hilketaz publikoki hitz egitea, harik eta duela hamarkada bat Gogora institutuak harengana jo zuen arte, bere aitaren memoria omentzeko gonbita luzatuz. Orain, familia hautsi eta Euskal Herria uztera eraman zuen hilketatik 50 urte betetzen direnean, berriro ekarri du gogora Aingeru Berazadi.
Zure interesekoa izan daiteke
Sanchezek Espainiako Gobernuaren kudeaketa defendatu du eta jarraitzeko prest dagoela adierazi du
Espainiako presidenteak adierazpenok egin ditu Estebanek atzo esandakoen ondotik; izan ere, buruzagi jeltzaleak legegintzaldia aurten amaitzeko eskatu zion presidenteari, jarraitzea “arduragabekeria” litzatekeela iritzita.
Begoña Gomezen katedra aurreikusitako araudiaren arabera sortu zela ondorioztatu du UCOk
UCOk Juan Carlos Peinado epaileari bidalitako txostenen arabera, katedra aurreikusitako izapideen arabera sortu zen, eta Gomezen banku-kontuen informazioa "bat dator jarduera profesionalen garapenarekin". Hala ere, irregulartasunak topatu ditu katedraren softwarea garatzeko bi enpresei egindako kontrataziotan: Deloitte Consulting eta Making Science Group.
Coalicion Canariak legegintzaldia amaitutzat eman du, eta EH Bilduk eta Sumarrek jarraitzeko eskatu diote Sanchezi
Arnaldo Otegik La Vanguardian egindako elkarrizketa batean adierazi duenez, legealditik geratzen denak "helburu bat izan behar du".
Coalicion Canariak legegintzaldia bukatutzat eman du eta hauteskundeak eskatu ditu: "Herritarrek gobernu berria aukeratzeko momentua da"
Konfiantza-mozioa eskatu dio Sanchezi, eta PPk zentsura-mozio baterako deitu ez diola esan du, ez dizkiotelako zenbakiak ematen.
Diez-Antxustegi: "EAJ oso kritikoa da Sanchezekin, baina horrek ez du esan nahi Feijoo babestuko dugunik"
Bestalde, "larunbatean Loiun eta Mendizorrotzan ikusitako irudiak ez zitzaizkidan gustatu", adierazi du Ertzaintzak flotillako ekintzaileekin izandako jokabidearen inguruan.
Albiste izango dira: abisu horia beroagatik, istiluak Loiun eta AEB-Iran akordioa gertuago
Gaurkoan Orain-en albiste izango direnen laburpena, bi hitzetan.
Otxandianok Zupiriari: "Erantzukizunak onartzeak berekin ekarri beharko luke presazko neurriak hartzea"
EH Bilduren bozeramaileak uste du Zupiriak dagokiona egin duela "erantzukizunak bere gain hartzean" baina polizia ereduarekin "arazo larria dagoela" ere ohartarazi du, eta laster ekarpen berri bat egingo dutela iragarri du.
San Kristobal hilerrian ehortzitako presoak izan dituzte gogoan Ezkabako ihesaldiaren omenaldian
Aurten ere, frankismoan bertatik igaro ziren 6.000 presoak oroitu dituzte. Kartzela izan zen San Kristobal, eta inguru horretan 131 gorpu lurperatu zituzten, "Botilen kanposantua" deiturikoan. Omenaldian, lore eskaintzan egin diete presoei.
Estebanek legegintzaldiaren amaierari buruz duen ideia "errespetatzen" duen arren ez duela bat egiten erantzun du Moncloak
Espainiako Gobernuko iturriek berretsi dute Sanchezek legegintzaldia 2027ko udara arte agortzeko asmoa duela. Gainera, azken orduetan kaleratutako txostenek "Zapatero presidente ohiak egindako delituaren froga edo zantzurik ez dagoela" egiaztatzen dutela defendatu dute.
Delinkuentzia Ekonomiko eta Fiskaleko Unitateak Zapatero eta horren alabak jo ditu Plus Ultra sareko onuradun nagusi
Auziaren inguruko bigarren txostena zabaldu du UDEFek. Horrekin lotuta, ekainaren 2an deklaratuko du epailearen aurrean Espainiako Gobernuko presidente ohiak, ikertu gisa.