Mendiarentzat aberasgarria da Gisasolak Biltzarrean parte hartzea
Idoia Mendia Eusko Jaurlaritzaren bozeramaileak baieztatu du Carmen Gisasola ETAko kide ohia dagoeneko gonbidatu dutela Oroimenari eta Bizikidetzari buruzko Biltzarrean parte hartzera, eta ez dutela gonbidapen hori kendu. Hala ere, argi adierazi du presoak biltzarrean parte hartu ahal izateko "kartzela zaintzako epaileek" eman behar dutela oniritzia. Era berean, "horrelako gaietan batez ere, polemikak alde batera uztea" eskatu du.
Mendiak ETBn egindako elkarrizketa batean azaldu duenez, Jaurlaritzak ez du "polemika sortzeko inolako asmorik" Bilbon egingo duen Kongresuarekin, "elkarbizitza agertoki desberdinak eta ideia desberdinak erakustea" omen da Biltzarraren helburua.
"Hori dela eta, erakunde terroristan ardura handia izan eta iragana gaitzesteko ibilbidea egin duen pertsona bat gonbidatzea pentsatu genuen. Denen lekukotzak entzuteko asmotik etorri zen gonbidapena", gaineratu du Mendiak.
Polemikaren "errudunak nortzuk diren" jakiteak ez duela garrantzirik azpimarratu du Mendiak, eta helburua Biltzarra "arrakastatsua" izatea eta "ideiak eta iritziak trukatzea" izan behar duela. "Polemikak alde batera utzi behar ditugu, gai hauetan batez ere", berretsi du.
Barne ministroak Herrizaingo sailburuarekin hitz egin ote duen galdetuta, Mendiak erantzun du "dagoeneko egin ez badute, datozen orduetan" egingo dutela.
Nazioarteko Egiaztatze Batzordea
Bestalde, Idoia Mendiak jakinarazi du Patxi Lopez lehendakaria eta Rodolfo Ares Herrizaingo sailburua izango direla Jaurlaritza Nazioarteko Egiaztatzeko Batzordeko kideekin bilduko den ala ez erabakiko dutenak. Datozen orduetan azalduko omen duten haien asmoa.
Mendiak uste du talde hori "lan positiboa" egiten ari dela eta horregatik "errespetua" zor zaiela eta "kortesiagatik, ez litzateke harritzekoa izango haiekin harremanetan jartzea".
Hala eta guztiz ere, egiaztatze "ofiziala Estatuko Segurtasun Indarretatik aparte" ezin dela egin azpimarratu du.
Zure interesekoa izan daiteke
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.
Anboto ETAren buruzagi ohiari erdi-askatasuna eman izana salatu du Covitek, kartzelan "denbora gutxi" eman duela iritzita
Erakunde terrorista "sostengatu eta legitimatu zuen sare politiko eta sozialetik banaezina" izaten jarraitzen duela ohartarazi du terrorismoaren biktimen kolektiboak.