Espainia eta Frantziarekin hitz egiteko ordezkaritza izendatu du ETAk
ETAk Espainia eta Frantziako gobernuekin "elkarrizketa zuzena" hasteko ordezkaritza izendatu duela jakitera eman du, AFP albiste-agentziara igorritako agiri baten bidez.
"Europako komunitatea eta hango instituzioak Europako bihotzean bizirik jarraitzen duen gatazkari behin betiko konponbidea emateko ireki den prozesua babesteko eta sustatzeko erronkaren aurrean daude", dio ETAk agiri labur batean.
François Hollandek Frantziako presidente kargua hartu eta biharamunean iritsi da ETAren agiria.
Aieteko Adierazpena
Europako komunitateari zuzendutako agirian, ETAk 2011ko urriaren 17an Donostian burutu zen nazioarteko konferentziaren bilera aipatzen du. "Gatazka konpontzeko proposamen hark ETA eta Espainiako eta Frantziako gobernuen arteko elkarrizketa gomendatzen zuen", gogoratu du.
Aieteko Adierazpenak ETAri "konpromiso historikoak" hartzeko eskatu ziola eta honek, 2011ko urriaren 20an, indarkeriaren behin betiko amaierarekin erantzun zuela azpimarratu du.
Iragarpen hartan Espainiako eta Frantziako gobernuekin elkarrizketak izateko prestutasuna agertu zuen ETAk, "bakearekin eta konponbide-prozesuarekin erabateko konpromisoa erakutsita".
Gobernuen jarrera
Gaurko agirian ETAk esan du Aieteko Adierazpena "bere osotasunean garatzeko baldintza nahikoak" egon badaudela eta konponbidea atzeratzea "inorentzat" mesedegarria ez dela. "Sufrimendua luzatzeaz gain, kaltegarriak diren blokeo-egoerak sortzea eragin lezake", ohartarazi du.
"Espainia eta Frantziako gobernuek, gehiago itxaron gabe, Aieteko Adierazpenari eta ETAri erantzun positiboa eman behar diote", nabarmendu du. Ildo horretan, "elkarrizketa zuzenak" hasteko ordezkaritza bat izendu dutela jakinarazi du.
Bestalde, ETAk uste du euskal eragile politiko eta sozialek elkarrizketa politikoari ekin behar diotela, "guztien artean gatazka politikoa konpontzeko eta bake eta askatasun agertoki iraunkor eta luzea bermatuko duen akordioa lortzeko".
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.