Alderdi politikoen erreakzioak Sortu legeztatzearen inguruan
Auzitegi Konstituzionalak Sortu legeztatzea erabaki du asteazken honetan, eta, ondorioz, datozen hauteskundeetara aurkezteko aukera izango du. Kideek aldeko sei boto eman dizkiote helegiteari, eta kontrako bost. Alderdi politikoen erreakzioak honako hauek izan dira:
EAJ
Josu Erkoreka Kongresuan EAJren bozeramailea denak esan du Konstituzionalak Sortu legeztatzea erabaki izanak politikoki eta instituzionalki normala zena juridikoki normaltzen lagundu duela.
PSE-EE
Jose Antonio Pastor PSE-EEko bozeramaileak Sorturen legeztatzea berri ona dela esan du, eta indarkeriaren amaieraren prozesua behin betiko amaitzen lagunduko duela gaineratu du. Halaber, Sortuko arduradunei "estatutuetan jarritakoak errealitate egiteko" eskatu die.
Euskal sozialisten bozeramailearen ustez, Konstituzionalak ofiziala egin du euskal gizartean legezkoa dena. Hori dela eta, berri ona dela azaldu du.
PP
Iñaki Oyarzabal Euskadin PPko idazkari nagusiak esan du bere alderdiak Konstituzionalaren erabakia "obeditzen" duela baina ez duela "iritzi bera", legeztatze mota honek "ez duelako laguntzen ETA desegiten, armak uzten eta egindako kaltea aitortzen".
Aralar
Patxi Zabaleta Aralarreko koordinatzaile nagusiaren hitzetan, "Sortu legeztatzea ekintza positiboa da demokrazia eta egonkortasun soziala sendotzeko, ondorioz, bakerako". Halaber, legez kanpo dauden beste alderdi batzuk geratzen direla nabarmendu du, eta horien egoera berraztertu behar dela gaineratu du.
EA eta Alternatiba
Eusko Alkartasuna (EA) eta Alternatiba, Bildu eta Amaiur koalizioetan kide direnak, poztu egin dira Sortu legeztatzeaz, euren ustez, "hartzeko erabakia hori zen", halere, berandu iritsi dela nabarmendu dute.
Ezker Anitza
Ezker Anitza-IUk Euskadin normalizazio politikorantz aurrerapausotzat hartu du Sorturen legeztatzea, gaur Auzitegi Konstituzionalak erabaki duena.
Mikel Arana alderdiko koordinatzaile nagusiak esan duenez, Ezker Anitzak beti egin izan dio uko Alderdien Legeari, eta Sorturen kasuan "aldez aurretik legez kanpo utzi" zutela uste du, horrek "juridikoki itxuranegargarria" eman duela gaineratu du.
UPyD
Gorka Maneiro UPyDko legebiltzarkideak esan duenez, Sortu legeztatzea "akats larria eta herritarrentzako iraina da", "ETA kondenatu ez duelako, ezta taldea desegitea eskatu ere", gaineratu du. Halaber, alderdiak ez duela jarreraz aldatu nabarmendu du.
Ezker Batua Berdeak
Jose Navas Ezker Batua Berdeakeko bozeramaileak azaldu duenez, Sortu legeztatzeko erabakiak herritarren zati batek kendu zitzaion eskubidea berreskuratzea egin du.
Navasek alderdi politiko guztiek euren partetik jartzeko eskatu du "Alderdien Legeak aldatutako bizikidetza berreskuratzeko".
UPN
UPN eta PPN alderdiek Konstituzionalak hartutako Sortu legeztatzearen erabakia obeditu egin dute, aldiz, Nafarroa Baik eta Izquierda-Ezkerrak positibotzat hartu dute berria.
Carlos Garcia Adanero UPNko idazkari nagusiak esan duenez, erregionalistei "gehiago" gustatzen zaie Auzitegi Gorenaren epaia (ez zuen alderdia erregistratzea utzi) "juridikoki hobeto zegoelako".
Nafarroa Bai
Patxi Zabaleta Legebiltzarrean Nafarroa Baiko bozeramailea denak esan du Sortu legeztatzea berri ona dela eta "dudarik gabe" ukatzen ari ziren eskubide politiko batzuk zuzentzen dituela.
Geroa Bai
Uxue Barkos Geroa Baiko diputatuak azaldu duenez, Sortu legeztatzea "ospatu beharreko berri ona" da.
"Berri hau politika arloan politika besterik egin nahi ez duen alderdi batena da", nabarmendu du Barkosek Konstituzionalaren erabakia jakin ostean.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.