Barne Ministerioak 3. gradua eman dio Uribetxebarriari
Espetxeetako Zuzendaritza Nagusiak ostiral honetan hirugarren gradua eman dio minbizia duen Josu Uribetxebarria ETAko presoari, Espetxeetako iturriek jakitera eman dutenez.
Zaballa kartzelako (Araba) Tratamendu Batzordeak Donostia Ospitalean dagoen Uribetxebarriari hirugarren gradua ematearen aldeko informazioa eman ostean hartu dute erabakia.
Orain Uribetxebarriak baldintzapeko askatasuna eskatu ahal izango du, eta horren inguruan Espetxeetako Zuzendaritzak ere iritzia eman beharko du, halere, azken hitza Jose Luis Castro Auzitegi Nazionaleko Espetxeratuen zaintzako Epaitegiko epaileak izango du.
Hirugarren gradua Espetxe Araudian indarrean dagoen 104.4 artikuluaren arabera hartu dute, horrek preso bati giza arrazoiengatik edo gaixotasun larriengatik hirugarren gradua ematea dakar.
Santiago Pedraz Auzitegi Nazionaleko epaileak, Castro ordezkatzen ari denak, Uribetxebarriaren osasun egoeraren inguruko xehetasunak jakiteko Auzitegiko txosten bat eskatu du, duen minbizia kartzelako ospitaleko zerbitzuek tratatu ahal duten erabakitzeko.
Gainera, Ainhoa Baglietto Uribetxebarriaren abokatuak epaileari behin Espetxeetako Zuzendaritzaren erabakia jakinda, bere erabakia lehenbailehen ematea eskatu du presoa aske geratzearen inguruan.
Abokatuak esan du ez dela beharrezkoa gaixoaren egoera larria ikusita, astelehenera arte itxarotea, Jorge Fernandez Diaz Barne ministroak atzo azaldu zuen moduan.
Halaber, Espetxeetako Zuzendariak Epaitegiari presoaren inguruko gogoeta bat egiteko eskatu dio honako puntu hauetan: Lehenengo eskaera "bere delituen biktimetatik eta senideetatik urrun egotea" da. Bigarrena, indarkeria goraipatzen den manifestazioetan "era aktiboan edo pasiboan parte hartzea" eta horren inguruko adierazpenak egitea debekatzea, baita terrorismoaren biktimen mespretxua eragin dezaketen adierazpenak egitea ere.
Fiskalak Auzitegiko txostenari itxarongo dio hirugarren gradua errekurritu edo ez erabakitzeko
Auzitegi Nazionaleko Fiskaltzak ez du Espetxeetako Zuzendaritzaren erabakia errekurritu edo ez erabakiko Uribetxebarria kartzelan tratatu daitekeen dioten Auzitegiko txostenak izan arte.
Fiskaltzatik jakitera eman dutenez, Espetxeetako Zuzendaritzak Uribetxebarriari hirugarren gradua eman arren, Ministerio Publikoak ez du ebazpenari helegiterik jarri edo ez erabakiko Santiago Pedraz Auzitegi Nazionaleko epaileak eskatutako Auzitegiko txostena izan arte.
EH Bildu, gaixorik dauden beste 13 presoren askatasunaren alde
EH Bilduk esan du Josu Uribetxebarria libre geratzen denean, gaixotasun larria duten beste 13 presoren askatasuna aldarrikatuko duela.
Maribi Ugarteburuk eta Oskar Matutek gogorarazi dutenez, oraindik 13 preso daude larri gaixotuta kartzeletan.
Azaldu dutenez, Uribetxebarria "Arrasatera, etxera, iristen denean arnasa hartuko dugu sakon" eta, "indarrak berriro bildu eta gero" larri gaixorik dauden beste 13 presoak "berehala askatzea eskatuko dugu".
EH Bilduren bozeramaileek PPren Gobernuari leporatu diote Uribetxebarriaren "egoera larriaren" ardura, eta "pertsona baten bizitzarekin jolastea" egotzi diote.
8 atxilotu Donostian
Zortzi pertsona atxilotu dituzte gaur goizean Donostian desordena publikoak leporatuta, Uribetxebarriaren askatasuna aldarrikatzeko PPk Amaran duen egoitzaren parean katez lotu direlako.
Herrizaingo Sailak jakitera eman duenez, 11:10 aldera gertatu dira atxiloketak. 30 pertsona inguruk kontzentrazioa egin dute, agintariei "jakinarazi gabe", eta PPren egoitzaren parean katez lotu dira.
Gainera, atxilotuetako bat auzipetu egin dute kontzentrazioa egingo zela agintariei ez jakinarazteagatik, aipatu iturriek zehaztu dutenez.
Ertzaintzak berehala desegin du kontzentrazioa eta lotuta zeudenak askatu ditu, izan ere, protestariek ez dute erresistentziarik jarri.
Urtebetean hiltzeko % 90eko probabilitatea
Josu Uribetxebarria ETAko presoaren egoeraren inguruko medikuen txostenaren arabera, "dagoen egoeran, gaixoen erdiak baino gehiago bederatzi hilabete pasatu baino gehiago hil ohi dira, eta urtebetera bizirik egoteko aukera % 10ekoa da".
"Gaixoaren pronostikoa oso larria da. Zientziako literatura erabiliz gero, prozesuak ez du atzera bueltarik ", dio ostegun honetan Osakidetzako Batzordeak egindako dokumentuak.
Modu honetan, presoak kartzelatik irteteko Espetxeak ezarritako baldintza betetzen du, 2000 urtean medikuen txosten bat bidaltzeko irizpideak jartzen diren gutun baten arabera. Horrek dioenez, preso bat kartzelatik kanpo utziko dute, tratamendua jaso arren, hiltzeko arriskua urtebetean % 10 baino handiagoa bada eta bost urtean % 50 baino handiagoa bada.
Gutun hori Angel Yuste Espetxeetako zuzendari nagusiak idatzi zuen 2000ko urtarrilaren 11n.
Santiago Pedraz Auzitegi Nazionaleko epaileak Josu Uribetxebarria ETAko presoari hirugarren gradua ezartzea aztertzea eskatu dio Espetxe Zuzendaritzari.
Uribetxebarriaren abokatuak aurkeztutako idatziei erantzunda gaur publikatutako probidentzia batean, epaileak Espetxe Araudiko 104.4. artikulua ezartzeko eskatu du, betiere baldintza guztiak betetzen badira.
Artikulu horrek "kasu bereziak" aipatzen ditu, eta gaixotasun larri sendaezinak dituzten presoei hirugarren gradua ezartzea ahalbidetzen du, "arrazoi humanitarioak eta duintasunezkoak" tarteko.
Halaber, epaileak "txosten mediko gaurkotuak" igortzeko eskatu dio Espetxe Zuzendaritzari, Auzitegi Nazionaleko Klinikak txosten bat egin ahal izateko.
Pedraz goardiako epailea da aste honetan, eta Jose Luis Castro Espetxeratuen Zaintzako epailea ordezkatzen ari da.
Uribetxebarriak lasaitasuna eskatu du
Josu Uribetxebarriak lasaitasuna eskatu du, bere abokatuak Gara egunkariari eta naiz.info-ri bidalitako ohar batean.
"Eskaera argi bat egin nahi diot mundu osoari: mesedez, ni hemendik irten ala ez, zorakeriarik ez egin. Inon", azaldu du.
Uribetxebarriaren anaiak lehenbailehen aske geratzea eskatu du
Javier Uribetxebarria, ETAko presoaren anaiak, bere anaia lehenbailehen aske uztea eskatu du ostegun honetan Bilbon. Halaber, presoak ez duela gose-greba bertan behera utziko nabarmendu du, aske geratu arte.
"Ostiralean bada, astelehenean baino hobeto", azpimarratu du aske geratu daitekeen egunaren inguruan, Etxerat-en (ETAko presoen senideen elkartean) bileran parte hartu baino lehen Mikel Arana Ezker Anitzaren koordinatzaile nagusiarekin.
Zure interesekoa izan daiteke
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.
Burujabetza handiagoa eta herritarren eskubideen bermea aldarrikatu ditu Gure Eskuk
Plataformak gogorazi du gaur 92 urte bete direla autonomia estatutuari buruzko erreferendumetik, eta duela zortzi urte, Getxon, Gure Eskuk herri-galdeketa sustatu zuela.
Hainbat kazetarik ziurtatu dute fiskalak baino lehenago zutela informazioa: "Ez dit inoiz paperik pasatu"
Fiskal nagusiaren aurkako epaiketaren hirugarren eguna PSOEko Juan Lobato eta Pilar Sanchez Aceraren deklarazioekin hasi da. Biek ala biek adierazi dute epaiketako gaia den mezuaren irudi bat jaso zutela eta ez dakitela nondik etorri zen. Ondoren deklaratu duten kazetariek sekretu profesionalerako eskubideari heldu diote.
Ertzaintzak Ernairen aurka ezarritako isunak baliogabetu edo nabarmen murriztu ditu Gasteizko epaitegi batek
Arrazoia eman diote gazte antolakundeari: Galder Barbado eta Aitor Zelaia gazteen espetxeratzeen aurka 2023an egindako protestak guztiz zilegiak izan ziren zirela esan dio ebazpenak, baimendu gabeko mobilizazioak izan baziren ere.
Lehendakariak erantzun dio Bengoetxeari: "Lehendabizi, Perez Iglesias sailburuarekin biltzea da egokiena"
Bere aldetik, Zientzia, Unibertsitate eta Berrikuntzako sailburua minduta agertu da, EHUko errektoreak lehendakariarekin bilera eskatu duelako, sailburua aintzat hartu gabe. "Ez da lagunak egiteko modurik onena", esan du.
Anduezak salatu du EAJk ez duela PSE-EErekin adostu Madrilera igorritako transferentzien dokumentua
PSE-EEren eta EAJren artean, beste talka bat. Eneko Andueza PSE-EEren idazkari nagusiak esan du transferentzien dokumentua aldebakarrez landu zutela jeltzaleek, EAJren interesak defendatzeko.
EHUk eta Eusko Jaurlaritzak Zientziaren Asteari hasiera eman diote, elkarri eskerrak emanez
Ekitaldia unibertsitate publikoaren finantziazioak eragindako tentsioaren ostean iritsi da, baina bi erakundeek lankidetza eta elkarrekiko errespetua eskatu dute.
Covite: "Euskadin eta Nafarroan dagoen erradikalizazio biolentoa arazo oso larria da"
Consuelo Ordoñez Coviteren presidenteak "beldurgarritzat" jo ditu joan den astean Nafarroako Unibertsitateko campusean izandako istiluak, eta horrelakoen aurrean "zigor administratiboak" jartzea defendatu du.