Biktimak, itxaropenaren eta eszeptizismoaren artean
2011ko urriaren 20an ETAk "ekintza armatuen behin betiko etena" iragarri zuenetik, terrorismoaren biktimen elkarteek jarrera ezberdinak agertu dituzte: batzuk, eszeptizismoz hartu dituzte ETAren eta ezker abertzalearen azken erabakiak; beste batzuek, ordea, itxaropenez ikusi dute bake-eszenario berriaren sorrera.
ETAk iragarpena egin eta ordu batzuetara, Terrorismoaren Biktimen Elkarteak (AVT) iragarpena "hauteskundeei begira egindako amarrua" zela adierazi zuen. "Erakunde demokratikoetara bueltatzeko azpikeria maltzurra da. Itxurak egin eta demokraziari iruzur egitea da ETAren helburua", esan zuten hedabideetara bidalitako idatzian.
Terrorismoaren Biktimen Fundazioak (FVT) ere, Maite Pagazaurtundua buru zuela, bat egin zuen AVTaren adierazpenekin, eta "ETAk egin behar duen gauza bakarra" "desagertzea" zela gaineratu zuen. Era berean, biktimen elkarte horien artean, gertatutakoaren kontaketa historiko bat egiteko beharra sortu zen, "garaileak eta galtzaileak dituen kontaketa". Garaileen eta galtzaileen behar horrek, eztabaida ugari sortu ditu biktima horien eta zenbait alderdi politikoren artean.
Hala ere, ETAren biktima guztiek ez dute mesfidantza agertu ekintza armatuaren etenaren aurrean. Badira ETAren su-etena finkatzearen alde hitz egin dutenak, baina kalteen ordaina eta justizia baztertu barik. Horren alde egin dute, besteak beste, Rosa Rodero, Joseba Goikoetxea ertzainaren alargunak; Josu Elespe, Froilan Elesperen semeak eta Iñaki Garcia, Juan Manuel Garcia Corderoren semeak.
Glenncree, inflexio-puntua
Adiskidetzearen aldeko prozesuak bultzada handia jaso zuen 2012ko ekainaren 17an. Egun hartan "Glenncree ekimena" delakoa aurkeztu zuten azken hamarkadetan alde ezberdinetako indarkeriaren biktima izandako 25 pertsonak. Biktima horiek adierazpen bat sinatu zuten egindako minaren aintzatestea, egindakoaren ardurari aurre egitea eta egian, justizian, oroimenean, aintzatestean eta egindako kalteen ordainketan oinarritutako bakea eskatzeko.
Glenncree bost urtetan egindako topaketen emaitza zen, ETAren, GALen eta Batallon Vasco Español delakoaren biktimen arteko topaketena, alegia. Bilera horiek diskrezio osoz egin ziren, Eusko Jaurlaritzako Biktimen Zuzendaritzaren laguntzarekin. "Gure arteko aintzatespenetik, empatiara eta aurrean daukagunaren aintzatespenera bitarteko bidea egin dugu, hasierako oztopoak eta estereotipoak gaindituta", esan zuten.
Biktimen eta presoen arteko bilerak
Bestelako topaketa batzuk ere izan dira: biktimen eta euren familiakoak hil zituzten terroristen artekoak.
Consuelo Ordoñez Gregorio Ordoñezen arrebarena eta Valentin Lasarte ETAko presoarena, eta Roberto Manrique, Hipercorreko atentatuan bizirik ateratakoarena, eta Roberto Caride ETAko kidearen artekoa izan dira, besteak beste, hedabideetan agertu direnak, nahiz eta biktimen eta presoen arteko topaketak urtebete aurrerago hasi.
Aintzatespena eta barkamena
Azken hilabeteetan, ezker abertzaleak lehen aldiz onartu du ETAren biktimen sufrimenduaren aurrean izandako sentsibilitate falta. Kursaalen otsailean aurkeztutako dokumentuan, "gatazkaren unerik latzenetan, zenbait biktimari beste batzuei erakutsitako elkartasuna agertzea falta izan zaigu".
Arnaldo Otegik ere antzerako hitzak esan zituen kartzelan egindako elkarrizketa-liburu batean: "Bozeramaile lanetan egindako adierazpenekin (eta Batasuneko bozeramaile guztien izenean ari naiz) ETAren biktimen familien mina, sufrimendua edota iraina areagotu baditut, barkamena eskatu nahi diet, bihotz-bihotzez".
Presioa Gobernuari
Josu Uribetxebarriaren kasuaren harian, eta osasun arazoengatik hirugarren gradua ematen zitzaiola ikusita, biktimen zenbait elkartek ETAko presoei espetxe aringarriak ematearen kontra agertu dira. AVTa Barne ministroarekin ere bildu zen, Gobernuak larri gaixo dauden ETAko gainontzeko 13 presoei aringarririk ez emateko, nahiz eta ezker abertzaleak preso horiek kartzelatik ateratzeko eskaera egin.
Halaber, Maite Pagazaurtundua FVTko presidentea biktimen balizko "mendekuaz" aritu zen, ETAren amaierak terroristen "inpunitatea" ekarriz gero eta biktimak "umiliatuta" sentituz gero. Horrez gain, ETAren amaiera horrek garailerik eta galtzailerik ez izateari uko egin zion.
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.