Izaskun Lesaka eta Joseba Iturbide ETAko ustezko kideak, atxilotuta
tziako Poliziak Izaskun Lesaka Argüelles ETAko buruzagi nagusienetarikoa eta Joseba Iturbide Otxoteka ETAko beste ustezko kidea atxilotu ditu larunbat gauean, terrorismoaren aurkako iturriek jakinarazi dutenez.
RCDI eta SDAT taldeek Espainiako Poliziaren lankidetzarekin egindako operazio izan da. ETAko ustezko bi kide hauek Macon eskualdean kokatutako hotel batean atxilotu dituzte.
Lesakak Frantziako hotelak eta etxaldeak erabili ohi zituen ezkutatzeko. Izaskun Lesaka Argüelles ETAko aparatu politikoko buruzagi nagusienetarikoa da. Lesakak, David Pla eta Iratxe Sorzabalarekin batera, ETAko azken agiriak idatzi omen ditu.
Hotelean ezkutatuta
Izaskun Lesaka eta Joseba Iturbide atxilotuak izan diren hotelean ezkutatuta zeuden, terrorismoaren aurkako iturriek adierazi dutenaren arabera.
Hotela Macón herrian dago, Lyon iparraldetik 70 kilometrora. Beste iturri batzuen arabera, Lesakak horrelako tokietan ostatu hartzen omen zuen joan-etorrietan ezkutatuta egoteko.
Bi atxilotutakoak, bertan, astebete inguru zeramatzatela uste dute iturri horiek.
Atxilotuak izan diren unean, armak zituzten Barne Ministerioak ohar batean adierazi duenez.
Hotela miatu dute
Halaber, Poliziak Lesaka eta Iturbide atxilotu duten hotela miatu dute. Ondoren, bi atxilotuak bertatik eraman dituzte 14:00ak aldera. Polizia ibilgailuan sartu aurretik, agenteei aurre egin diete eta oihuak bota dituzte. Bitartean, Poliziak hainbat poltsa atera ditu hotelatik.
Hotela Cours Moreau kalean dago eta inguruko zonaldean segurtasuna bermatzeko neurri handiak jarri dituzte. Halaber, goiz osoan zehar bertara sartzea debekatu dute, egoiliarrei izan ezik.
Aste honetako hirugarren atxiloketa
Egun batzuk bakarrik igaro dira Saul Curto ETAko beste ustezko kidea Frantzian ere atxilotu dutenetik. Ibilgailu batean zihoala atxilotu zuten. Matrikula faltsuak zeramatzan eta Barne Ministerioak dioenez, Curto ETAko zuloen arduraduna da.
Bilatze eta atxilotze agindua zuen Lesakak
Izaskun Lesaka Arguelles Iruñean jaio zen 1975eko urtarrilaren 5ean.
Terrorismoaren aurkako iturrien arabera, ETAren komunikatuen arduraduna da eta "aparatu militarrean" funtzio garrantzitsuak izan ditu..
Ibon Fernandez Iradiri "Susper" atzemandako dokumentuetan azaldu zen lehen aldiz Izaskun Lesakaren izena, ETAk kideak biltzeko zuen aparatuaren ustezko arduradun gisa. Hala ere, terrorismoaren aurkako iturriek esan dutenez, azken urteetan ETAren barruan gora egin zuen buruzagien atxiloketen ostean.
Jarrai eta Segiko kide izateagatik epaitu baino lehen ihes egin zuen. 2004an Auzitegi Nazionalak bilatze eta atxilotze agindua eman zuen eta Frantziako Justiziak lau urteko espetxe zigorra ezarri zion errekrutatze lanak egotzita.
Denbora honetan guztian Mexikon eta Frantzian ezkutatu omen da. Segurtasun indarren arabera, Mallorcan Carlos Saenz de Tejada Garcia eta Diego Salva Lezaun guardia zibilak hil ziren atentatuan parte hartu zuen, ETAk Espainian hildako azken biktimak.
Iturbide Frantziara joan zen 2010ean
Iturbide 1977ko maiatzaren 8an jaio zen Lesakan (Nafarroa) eta 2008an Donibane Lohizunen atxilotu zuten, Mikel San Sebastian eta Jose Antonio Martinez Mur ETAko ustezko kideekin batera.
2010ean Valdemoroko (Madril) espetxetik atera zen Madrileko Azca gunean atentatu bat egiten saiatzea egozten zioten epaian absolbitu ostean.
Halaber, erakunde terroristaren kide izatea eta lehergailuak izatea leporatzen zioten, izan ere, Barajaseko atentatuan "Elurra taldearekin" lotzen zuten. Hala ere, Auzitegi Nazionaleko zigor-arloko lehenengo sekzioak absolbitu egin zuen lotura bakarra Mattin Sarasolak egindako deklarazioa baitzen, eta ezin izan zuten horrek esandakoa berretsi.
Castellón eztanda egin zuen bonba-auto bat eramateagatik ere epaitu zuten 2008an, baina aske gelditu zen.
Zure interesekoa izan daiteke
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.