CiUk jasotako 'zigorra' azpimarratu du nazioarteko prentsak
Nazioarteko prentsak azpimarratu du Kataluniako hauteskundeek Artur Mas Generalitatearen presidentea 'zigortu' dutela.
BBC telebista-kate britainiarrak Kataluniako nazionalisten garaipena jaso du goiburuan, baina Tom Burridge Bartzelonako bidali-bereziak ohartarazi du Kataluniako independentzia lortzeko bidea "erraza izatetik urrun" dagoela.
Zentzu berean, The Guardian egunkariak honakoa jarri du albistearen izenburu: "Kataluniako separatistek ez dute gehiengo osoa lortu". Gainera, Europar Batasunaren egitura aipatzen du independentziarako oztopo nagusi gisa.
AEBetan, Washington Post egunkariak azpimarratu duenez, "Kataluniako boto-emaileek zigortu egin dute Espainiako eskualdearen independentziarako erreferenduma proposatu duen buruzagia". Izan ere, Masek gehiengo osoa nahi zuen eta "horren ordez eserleku gutxiago lortu ditu eta koalizio gobernua egin beharko du boterean jarraitzea bermatu nahi badu".
Herald Tribunek, New York Timesen nazioarteko edizioak, AP agentziaren izenburua jarri dio albisteari: "Kataluniako espainiarrek erreferendumaren aldeko buruzagia zigortu dute". Era berean, "batasunaren aldeko alderdien (PP eta Ciutadans) aurrerakada txikia" azpimarratu du.
Frantzian, Le Mondek dio CiUren kontura handitu dela ERCren ordezkari kopurua. "Kataluniako nazionalistek atzera egin dute independentista ezkertiarren aurrean". "Kataluniako boto-emaileek zartako latza eman diote Masi, nahiz eta Kataluniaren etorkizunari buruzko erreferendumaren aldeko alderdi politikoen alde bozkatu hein handi batean", gaineratzen du egunkariak.
Frantzian bertan, Le Figarok titular argia jarri dio Kataluniako hauteskundeen albisteari: "Kataluniak independentziarako norabideari eutsi dio". Egunkariaren arabera, Masek "zartakoa" jaso duen arren, "alderdi politiko independentista erradikalenek emaitzak hobetu dituzte", ERCri eta CUPi erreferentzia eginez.
Nazioarteko prentsa ekonomikoari dagokionez, Financial Times britainiarrak uste du kataluniarrek "pausoa" eman dutela "hausturara bidean", Parlamentuan independentistek gehiengoa izango dutelako. The Wall Street Journal estatubatuarrak, berriz, "autonomiaren berrespena" izan dela azpimarratzen du.
Zure interesekoa izan daiteke
Espainiako Gobernuak asilo legea eta atzerritarrei buruzko legearen erreforma onartu ditu, Ceutako migrazio-krisiaren ostean
Testuek "ikuspegi bermatzailea" dute eta migratzaileen giza eskubideak errespetatzen dituzte. Halaber, Espainiako esparru juridikoa Migrazioaren eta Asiloaren Europako Itunera egokitu dute.
Roblesek esan du CNIk bere lana egin zuela Ceutan, eta Marlaskak berretsi du ez zela "txostenik" egon
Defentsa eta Barne ministroek bertsio kontrajarriak eman dituzte uztailaren 30ean migratzaileak hiri autonomora sartu ziren egunaren bezperan gertatutakoari buruz.
Ceutako krisia bideratzeko Segurtasun Nazionaleko Kontseiluaren ezohiko bilera eta aginte bakarra deitu du Sanchezek gaurko
Margarita Robles Defentsa ministroak agerraldia egingo du gaur Kongresuko Defentsa Batzordean, Ceutako krisiaren berri emateko. Datozen egunotan Behe Ganberako hainbat batzordetan hitz egingo duten zortzi ministroetatik lehena izango da.
Udal eta foru hauteskundeetarako eta Nafarroako Parlamenturako prozesua prestatzen ari da EH Bildu
Bere oinarriei dei egin die "parte har dezaten eta ezkerreko soberanismoaren eskaintza politiko eta elektorala osatzeko lanaren parte izan daitezen, erronkaren tamainako anbizioarekin".
Saizek Feijooren aurka egin du Ceutan konfinamendua eskatzeagatik: "Xenofobia da kutsakorra"
Elma Saiz Inklusio, Gizarte Segurantza eta Migrazio ministroaren arabera, Alberto Nuñez Feijoo PPren presidenteak Ceuta konfinatzeko eskatu izana "arduragabekeria larria" da, ez baitago kutsatzeko arriskurik, eta buruzagi popularraren "ezjakintasuna" kritikatu du.
EAJk Frantziarekin hitz egiteko eskatu dio Espainiako Gobernuari, Irungo trafikoaren "itogunea" konpontzeko
Halaber, Cristina Laborda Irungo alkatearen "demagogia" kritikatu du, eta adierazi du arazoa ez dela "errepide gutxi" dagoela, baizik eta Frantziak muga "itogune" bihurtu duela herria.
Pradalesek humanismoaren alde egin du ziurgabetasunaren aurrean, Euskadiren "euskarri sendoena" delakoan
Lehendakariak Jose Maria Arizmendiarrieta, euskal kooperatiben mugimenduaren sortzailea, eta Jose Antonio Agirre lehendakaria aipatu ditu humanismoaren erreferente gisa, eta kontzeptu hori eguneratzea beharrezkotzat jo du.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.