Mas garaile gehiengo osorik gabe, eta ERC bigarren alderdia da
CiUk irabazi ditu Kataluniako hauteskundeak. Artur Masen alderdiak, hala ere, 12 eserleku galdu ditu eta gehiengo absolututik oso urruti geratu dira. CiUk 62 ordezkari lortu zituen 2010ean, oraingo honetan, berriz, 50. Guztira, botoen % 30,3 lortu dituzte.
ERC Oriol Junquerasen alderdiak gorakada handia izan du eta Parlamentuko bigarren alderdia izatera pasa da, PSCren aurretik. Junquerasen alderdia 10 eserleku izatetik 20 izatera pasa da, % 13,6ko babesa lortuta.
PSCk, aldiz, 8 eserleku galdu ditu, eta hirugarren alderdia izango da Parlamentuan. Sozialistek 19 eserleku izango dituzte, 2010ean 28 lortu arren. Hautesleen % 14,6k sozialisten alde egin du.
PPCk berriz gora egin du. Alicia Sanchez Camachoren alderdiak gora egin du eta 19 ordezkari izango ditu orain. Azken bi urteetan 18 diputatu izan dituzte. PPCk botoen % 13,6 lortu du.
ICVri dagokionez, 13 ordezkari izango ditu, 3 irabazita eta botoen % 9,94 lortuta. Ciutadansek ordezkaritza hirukoiztu du, 3 eserlekutik 9ra pasatuta. Alderdiak botoen % 7,64 jaso du.
CUPek, berriz, 3 diputatu lortu ditu bere lehen hauteskundeetan. Ezkerreko alderdi independentistak % 3,48ko babesa izan du.
Erreakzioak
Hauteskundeen emaitzak jakin ondoren egindako agerraldian, Artur Masek espero zuen gehiengoa lortu ez duela onartu du. Hala ere, CiUko burua ez da hauteskundeak aurreratzeaz damutu, "azken hilabeteetan kaleetan bizi izandako mobilizazioak hautestontzietan isla izan behar zuelako".
Oriol Junqueras ERCko hautagaiak "disimulatzeko zaila den zoriona" agertu du Kataluniako hauteskundeetan lortutako emaitzen ondorioz. Dena den, "herrialdearen eta bere herritarren egoerak" kezkatu egiten duela nabarmendu du.
Sozialistek lortutako emaitza historian izandako txarrena izan dela onartu du Pere Navarro PSCko hautagaiak. Emaitzaez da alderdiaren gustukoa izan, baina 20 ordezkari lortu dituztela etaboto gehien lortu duen alderdia direla azpimarratu du, inkestek ematenziotena baino emaitza hobeagoa.
Kataluniako PPak hauteskunde autonomikoetan izandako emaitzarik onena lortu du, 19 ordezkari lortuta. Emaitzak ikusita, Alicia Sanchez Camachok esan du kataluniarrek Masi "zilegitasuna" kendu diotela eta CiUko hautagaiakk "porrot" egin duela.
Parte-hartze historikoa
Parte-hartzea izan da hauteskunde-eguneko protagonista nagusia, inoiz baino handiagoa izan baita. Guztira, hautesleen % 69,5k eman du botoa, 2010ko parte-hartzea baino 10,7 puntu handiagoa. Azaroaren 25ean 5.413.769 lagunek izan dute boza eman eta 10. legegintzaldirako Kataluniako Parlamentuko 135 diputatu aukeratzeko eskubidea.
Igande honetako hauteskundeetara 62 hautagaitza aurkeztu dira (16 Bartzelonan eta 14 Lleidan, Tarragonan eta Gironan), 2010eko hauteskundeekin alderatura, 52 hautagaitza gutxiago.
Boza emateko eskubidea duten 156.517 katalan atzerrian bizi dira, Gobernatzeko eta Erakundeen arteko Harremanetarako Kontseilaritzaren datuen arabera.
Guztira, 2.718 hautesleku izan dira irekita, 8.130 hauteskunde-mahai, 24.390 hauteskunde mahai-titular eta 18.780 ordezkari. Halaber, Administrazioko 4.834 ordezkari izan dira bertan.
Kanpaina
Hauteskunde-kanpainan eztabaidagai nagusi bakarra izan da: Kataluniaren balizko independentzia. Krisi ekonomikoaren auzia, esaterako, bigarren maila batean geratu da. Alabaina, azken egunotan polemika piztu da Artur Masen aurkako ustelkeria salaketak direla medio.
Artur Masek hauteskundeak aurreratzea erabaki zuen, Diadako manifestazio historikoaren ostean eta Espainiako Gobernuak hitzarmen fiskala negoziatzeari uko egin ondoren.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.