Richar Vaquerok Podemoseko Bizkaiko ahaldun nagusigai izateko hautagaitza aurkeztu du
Podemosen barne hauteskundeetarako aurkeztu den hautagai bakarra da, oraingoz. Gaur egun Elkarrekin Podemosek Bizkaiko Batzar Nagusietan duen bozeramaileak, berriz, ez du hautagai gisa errepikatuko.
Richar Vaquero Podemos Euskadiko koordinatzaile nagusia. Artxiboko argazkia: Agentziak
Datorren urteko maiatzean egingo diren udal eta foru hauteskundeei begira, Richar Vaquero Podemoseko koordinatzaile nagusiak bere hautagaitza aurkeztu du alderdi morearen Bizkaiko ahaldun nagusigai izateko. Barne hauteskundeak egingo dituzte hautagaia aukeratzeko, eta Vaquero bakarrik aurkeztu da, oraingoz.
Vaquerok (legegintzaldi honetan Elkarrekin Podemoseko Bizkaiko batzarkidea) sare sozialetan zabaldu duen bideo baten bidez eman du bere erabakiaren berri.
Vaquerok bere mezuan adierazi duenez, "aurrerapausoa" ematea erabaki du "gehiengoan pentsatuz gobernatuko duen Bizkaia bat nahi duelako, pertsonak gutxi batzuen interesen aurretik jarriko dituena eta gauzak beste era batera egin daitezkeela frogatuko duena".
"Asko dugu aldatzeko, eta gogo handia dugu horretarako", nabarmendu du Podemos Euskadiko koordinatzaile nagusiak.
Zure interesekoa izan daiteke
Politika orokorreko eztabaidak balio izan du lehentasunak eta alderdi bakoitza non dagoen ikusteko, Otxandianoren arabera
Uxue Barkos izango da berriro Geroa Bairen Nafarroako presidentegai
Rocio Vitero EH Bilduren Gasteizko alkategai izango da berriro
Pradalesek estatutu berrirako bere bide-orria defendatu du, oposizioak ekintzak eskatu dituen bitartean
Antxustegik "leialtasuna" eta "diskrezioa" eskatu dizkie EH Bildu eta PSE-EEri, estatus berria "ondo atera dadin"
Otxandianok iritzi dio hitzetatik ekintzetara pasatzeko ordua dela: "Mehatxuaren aurrean batasuna, alderdiaren gainetik aberria"
Andueza: "Euskadik ez du zaratarik eta diagnostikorik behar, erabakiak baizik"
Sumarrek salatu du Eusko Jaurlaritza "eskuineranzko" norabidea hartzen dabilela migrazioan eta giza eskubideetan
