Barrena: 'Bilboko martxa bakearen aldeko ekimen hutsa da'
ETAko presoen egoerari irtenbidea bilatzea espero duela azpimarratu du Laura Mintegi EH Bilduko buruak presoen alde Bilbon izandako martxa hasi aurretik, "herria eraikitzeko funtsezkoa delako". "2014ko urtarrilaren 12an manifestaziorik egin behar ez izatea nahiko nuke, horrek esan nahiko lukeelako arazoa konponduta edo konpontzeko bidean dagoela; ondorioz, auzi hau konpontzeko, herri osoaren energia eta indarra behar izango dugu", azpimarratu du Mintegik.
"Hainbeste sentsibilitate desberdin biltzen dituen auzia aurkitzea ez da erraza", esan du Mintegik, "bata, hizkuntza da, eta bestea, ETAko presoen egoera". "Bi auziak funtsezkoak dira herria eraikitzeko eta normalizazio politikorako", adierazi du, "herri egiten gaituena da, eta gaur hemen bildu gaituena ere".
Pernando Barrena
Bestalde, Barrenaren esanetan, gaurko martxa "bakearen aldeko ekimen hutsa da". "Espetxe-politika aldatu nahi ez dutenen aurrean, gaurko martxak duen balorea" azpimarratu du Barrenak. "Mobilizazioaren bitartez bakearen etsaiak mugiaraziko ditugu", adierazi du.
"Arrazoi politikoengatik espetxean dauden presoak askatu arte, ez dugu normalizaziorik izango", iragarri du.
Patxi Zabaleta
Zentzu berean mintzatu da Patxi Zabaleta Aralarreko koordinatzailea. Horren esanetan, ETAko presoen egoera konpontzeko "irtenbide arina" bilatzea "ezinbestekoa" da. "Giza eskubide guztiak errespetatu behar dira, indarkeria mota guztietako biktimei erakutsi behar diegu miresmena", azpimarratu du Zabaletak.
Pello Urizar
Bestalde, Pello Urizar EAko idazkari nagusiak esan duenez, "EAJri dagokio politikan hurrengo urratsa ematea, gatazka gainditzeko guztion eskubideak aintzat hartu behar direlako, presoen eskubideak barne".
"EAJri egin diezaiokegun deia bakarra hauxe da: EAJko milaka kide martxa honetan izan dira, desio horrekin bat egin dute, eta EAJk ezin dio horri muzin egin", esan du Urizarrek.
Oskar Matute
"Espetxe-politika zigortzailearekin amaitzeko herritarren oihua entzuteko" eskatu die Oskar Matute Alternatibako bozeramaileak Frantziako eta Espainiako Gobernuei.
"Gaurko martxa arrakastatsuak herritarren oihua jarri du agerian, eta funtsezko hiru auziei erantzuna eman behar dietela", azaldu du Matutek, "dispertsioarekin amaitu, gaixotasun larriak dituzten presoak askatu, eta zigorrak bete dituzten presoen espetxealdiak ez luzatzea". "Horra hor euskal gizartearen agindua, alderdi politikoen interesen gainetik dagoen agindua, hain zuzen ere".
Halaber, Martin Garitano Gipuzkoako ahaldun nagusia, Javier Madrazo Eusko Jaurlaritzako EBko sailburu ohia, Joan Tarda ERCko diputatua, ELA eta LABeko idazkari nagusiak eta ezker abertzaleko hainbat kide (tartean, Rufi Etxeberria edo Tasio Erkizia) izan dira manifestazioan.
Zure interesekoa izan daiteke
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.
Mendoza: "Gipuzkoako egoitzetan 5.500 plaza daude, eta gehiago sortzera goaz; inguruko baldintzarik onenak ditugu"
Eider Mendoza Gipuzkoako Ahaldun Nagusiak Egun On Euskadi ETB1eko saioan esan du Gipuzkoako egoitzen aferan laguntzen ari dela Aldundia. Oreka bilatu behar dela adierazi du, eta azpimarratu du erakundearen kezka nagusia egoiliarrak ondo zainduta egotea dela.
Otegik Zaldibarko alkate ohia babestu du: "Teknikari guzti-guztiek ontzat emandako plan bat sinatu besterik ez zuen egin"
Arnaldo Otegi EH Bilduko koordinatzaile nagusiak Radio Euskadin azpimarratu duenez, EH Bilduk "ustelekeria kasurik gabeko" alderdia izaten jarraitzen du, "Zaldibarko zabortegiaren kasua" ez da eta "ustelkeria kasu bat". Ziurtatu duenez, Arantza Baigorri herriko alkate ohiak "ez zuen inolako interes pertsonalik" Hiri Antolamenduko Plan Orokorraren inguruan zabortegiko lurrei dagokienez.
Txertoekin gertatutakoa sakon ikertzea eskatu du PPk
Laura Garrido PPk Eusko Legebiltzarrean duen bozeramailearen iritzian, Alberto Martinez Osasun sailburuak iraungitako txertoen inguruan emandako azalpenak ez dira nahikoa. Gertatukoa sakon ikertzea eskatu du, eta hartu beharreko ardurak hartzea.
Espainiako Gobernuak Estatuko fiskal nagusi ohia indultatzeko eskaera bat tramitatu du
Alvaro Garcia Ortizi bi urteko inhabilitazioa ezarri zioten, sekretuak ezagutarazteagatik. Berari indultua emateko eskaera bi partikularrek egin dute.
Gorenak atzera bota du Voxek Chiviteren aurka jarritako kereila
Auzitegi Gorenak ez du funtzionario-eroskeriaren zantzurik ikusten, ezta influentzia-trafikorik ere, Nafarroako presidenteak kontratu publikoen esleipenean izan zuen jokabidean.