Itxi dituzte hauteslekuak Ipar Euskal Herrian
20:00ak aldera ezagutuko dira lehen emaitzak. Izan ere, bi itzuliko hauteskundeak izan arren, udal gehientsuenetan, % 90ean, gaur geldituko da dena erabakita.
Baionako hautesleku bat, gaur goizean. EITB
Udal hauteskundeen lehen itzulia egin dute gaur Ipar Euskal Herrian. 20:00etatik aurrera jakinaraziko dituzte lehen emaitza ofizialak.
Parte hartzeari dagokionez, % 54,70ekoa izan da 17:00etan, Pirinio Atlantikoen Prefeturak emandako datuen arabera, duela sei urteko hauteskundeetan ordu berean izandakoaren antzekoa (% 52,17koa izan zen) baina 2014koa baino baxuagoa (% 59,94koa izan zen).
Frantziako Estatuko parte hartzearen datuekin alderatuta, berriz, altuagoa izan da, herritarren % 48,90ek bozkatu baitute Frantzia osoan ordu horretarako.
Guztira, 160 auzapez aukeratuko dituzte. Frantziako Estatuko udal hauteskundeek bi itzuli izan ohi dituzte, baina Ipar Euskal Herriko udal gehientsuenetan, % 90ean, lehen itzulian geldituko da erabakita nor izango den auzapeza eta nortzuk herriko kontseilariak. Izan ere, udal gehienetan hautagaitza bakarra (116 udalerritan) edo bi (30 udalerritan) izan dira aukeran, eta nahikoa izango dute gutxieneko boto kopurua lortzea. Litekeena da 15 bat herritan, Baionan, Biarritzen eta Angelun esaterako, bigarren itzulia behar izatea.
Auzapezak eta herriko kontseilariak hautatzeaz gain, Euskal Hirigune Elkargoko kideak ere aukeratuko dituzte.
Lehia estua espero da Baionan
Hautagaiek bozkatzeko deia egin diete herritarrei, eta badirudi interesa piztu dutela, boto-emaileen joan-etorria nabarmena izan baita.
Baionan, agintaldia hirugarrenez errepikatu nahian aurkeztu da Jean Rene Etchegaray zentrista. Kazetariei aitortu dienez, "lasai" dago, boto-emaileek baitute azken hitza. Guztira, bost zerrenda dira lehian Lapurdiko hiriburuan: Etchegarayrena; ezkerra, hiru hautagaitzatan banatua, eta eskuin-muturrarena (ipar Euskal Herrian, bakarra). Horrela, bigarren itzulian erabakiko da auzapeza.
Kanbo (Lapurdi) da beste arretaguneetako bat. Izan ere, Peio Etxeleku jeltzalea egungo alkatearen zerrendatik irten, eta hautagaitza propioarekin aurkeztu da. Ezkerreko zerrenda abertzalearekin, hiru hautagai izango dira lehian. Etxelekuk nabarmendu duenez, "30 urteotan ez da halakorik gertatu (hautagaitza bat baino gehiago izatea), eta badirudi interesa sortu dugula". Etxelekuk Euskal Hirigune Elkargoaren burua ere jokatu nahi dio Etchegarayri, eta alkate izatea erabakigarri izango da.
Biarritzen sei hautagaitza izango dira lehian. Maider Arosteguy kontserbadorea alkatetzan jarraitzeko itxaropentsu agertu da, baita "lasai" ere, bere hitzetan.
Biarrizko egungo auzapeza, Arosteguy, boza ematen.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.