Forupekoak inputatzea posible da?
Laura Mintegi EH Bilduren bozeramaileak joan den astean Eusko Legebiltzarrean Fernando Buesa sozialistaren hilketak "jatorri politikoa" zuela eta "elkarrizketaren bidez saihestea posible" izango zela esan eta gero hautsak harrotu dira han eta hemen, eta Fiskaltzan ere oihartzuna izan dute.
Atzo, osteguna, Fiskaltzak saio horretako akta eskatu zion, Juan Calparsoro EAEANeko fiskal nagusiak sinatuta, Eusko Legebiltzarrari, Mintegiren adierazpenak aztertzeko eta delitu diren zehazteko. Horren ostean, zilegi da honako galdetzea; zer gertatzen da forupeko politikari bat inputatu nahi dutenean? Legebiltzarrean egindako adierazpenak oinarri hartuta prozesu bat abiatu ahal da?
Zenbait araudi eta estatutu legebiltzarren adierazpen askatasuna babesten dute; Gernikako Estatutuak egiten du, baita Legebiltzarreko Araudiak ere. Horien arabera, ezin dute legebiltzarkide baten kontrako prozesu bat abiatu, karguaren jardunean emandako iritziengatik.
Gainera, Espainiako Konstituzioak ere forupekoak babesten ditu. Horren ildotik dauden artikuluek legebiltzarkidea baldintzatuta senti ez dadila dute helburu.
Halaber, araudiez gain, aurrekariak ere badaude, antzeko kasuak epaitegietan izan baitira. Jon Salaberria legebiltzarkideak izan zuen antzeko auzi bat.
2002an Estatuko Fiskaltza Nagusiak Salaberriaren kontrako salaketa bat jarri zuen, terrorismoa goratzea leporatuta. Eusko Legebiltzarrean ETAren jarduera defendatzea egotzi zioten.
"ETAren borroka armatua Euskal Herriak defendatzeko duen eskubidearen ondorio da. IRAren borroka armatua bezalakoa da, eta Gobernu britainiarrak Irlandako autodeterminazio eskubidea onartu zuenean armak utzi zituen", horiek izan ziren Salaberriaren hitzok.
7 urteko gaitasun gabetzea eta urtebeteko kartzelaldia izan zen Salaberriari jarritako zigorra. Baina ez zuen epaia bete, Auzitegi Gorenak bertan behera utzi baitzuen handik eta gutxira.
Gorenak Konstituzionalaren aurrekariak hartu zituen oinarrian erabakia hartzeko; parlamentarien ukiezintasunak erantzukizunetatik salbuesten, eta edozein prozesuren aurrean babesten du.
Mintegiren hitzak
"Egon badago zirkinik egin gabe uzten ez nauen gauzarik. Ezin da esan lasai asko egon nintzela biktima baten omenaldian, biktima guztiek arrazoi politiko batengatik hil direlako, ez istripu batean, bihotzeko batek jota, minbiziak jota edo zorigaizto baten ondorioz'', esan zuen Laura Mintegik.
Hilketa horiek guztiak ''ekidin'' daitezkeela gaineratu du EH Bilduko ordezkariak, ''jatorri politikoa dutelako, eta gizartearen, pertsonen eta politikoen esku dagoelako''. ''Ez dut lasai asko egotea onartuko arrazoi politiko batengatik hil den pertsona bat omentzeko ekitaldi batean, hildakoa edozein izanda ere'', gaineratu zuen.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.