'Gaurko AVTren martxa estrategia oker baten ondorio logikoa da'
Terrorismoaren Biktimen Elkarteak (AVT) gaurko Madrilen deitu duen kontzentrazioa "estrategia oker baten ondorio logikoa da", Joseba Egibar EAJren GBBko presidentearen iritziz. Horren esanetan, urteetan nolabaiteko rol politikoa eman diete biktimei, eta espetxe politikan parte har zezaketela esan diete.
Joseba Egibar buruzagi jeltzaleak batzoki berri baten inaugurazio ekitaldian parte hartu du Urnietan, eta bertan izan dira baita ere Mikel Pagola Urnietako alkatea, Maria Pilar Sarasola Urnietako zinegotzi jeltzalea, Eneko Goia Donostiako zinegotzi jeltzalea eta Bakartxo Tejeria Eusko Legebiltzarreko presidentea.
PPko buruzagiak gaurko kontzentrazioan egotea, "estrategia oker baten ondorioa da", Egibarren arabera. Horren ustez, agerian geratu da biktimak elikatzea kaltegarria izan dela.
Zentzu horretan PP eta PSOE bide horretatik aldentzea litzateke onena, Egibarren iritziz. "Kartzela politika beste ikuspegi batetik jorratu behar dute: ez mendeku gisara, presoak gizarteratzeko bitarteko modura baizik", gaineratu du.
Aukera eta garai berri bat ireki dela iritzi dio: "Orain arte dena zen posible, eta Europa etorri eta Parot doktrina baliogabetu du". "Garailerik eta garaiturik izan gabe, adostasun guneak bilatu behar dira, gutxienez, kartzela politikan", gaineratu du.
Bere jarduna ETAk agintzen edo esaten zuenaren mendean jartzea leporatu dio Joseba Egibar jeltzaleak ezker abertzaleari. Eta orain "pentsamendu politikoa eguneratu behar du". Horrekin batera, kontuak eskatu dizkio Egibarrek ezker abertzaleari, orain giza eskubideak eskatu bai, baina orain artekoei buruzko balantzea ere egin beharra dagoela azpimarratuta.
Kartzela politika
Batzuek kartzela politika presoak jazartzeko erabili izan dute, eta besteek presoak beren borrokaren punta direla pentsatu dute.
Egoera horretatik ateratzeko deia egin du Egibarrek: "Giza eskubideak errespetatuta bake eta elkarbizitza agertoki bat egonkortu behar da". Horretarako, "auzoz auzo eta herriz herri lan egin behar da".
Erabakitzeko eskubidea
Egibarren ustez, Espainiak erabakitzeko eskubidearen inguruko eztabaidari heldu beharko dio egunen batean.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.