Epaia ETAko beste preso batzuentzat ere aplikagarria da, ANren ustez
Auzitegi Nazionaleko Zigor-arloko Salak egindako interpretazioaren arabera, Estrasburgoko Auzitegiak Ines del Rio ETAko presoaren auzian Parot doktrinaren inguruan emandako epaia egoera berean dauden ETAko beste preso batzuen kasuetan ere aplika daiteke, Juan Manuel Piriz aske uzteko egindako autoaren arabera.
Salako 13 epaileek tesi horri eusteko zehaztu duten moduan, Europako Giza Eskubideen Auzitegiaren erabakiek "eragina dute salatzailearen kasuan, eta, oro har, antzeko kasu guztietan aplikatu behar dira, ebazpenaren zenbait puntutan adierazten duenez".
Halere, Europako Auzitegiaren epaiaren ostean ETAko 50 presok baino gehiagok egindako eskaeren inguruan banan-banan erabaki beharko duela gaineratu du. Aurreko ostiralean esan bezala, Auzitegi Nazionaleko Zigor-arloko Salako epaileak ostiralero bilduko dira, azaroaren 8tik aurrera, erabakiak banan-banan hartzeko, eta, hori dela eta, auzi bakoitzaren inguruko iritzia eman dezala eskatu dio Auzitegi Nazionaleko Fiskaltzari.
"Ebazpenaren puntu batzuetan hala esaten du" Estrasburgok, epaileen arabera, eta, gogoratu dutenez, Del Rioren inguruko ebazpena atera eta hurrengo egunera, "epaiaren nahitaezko izaera" azpimarratu zuen Aretoak, "gure Estatuak derrigorrez bete behar du, nazioarteko maila hartu baitzuen".
Jose Ricardo Prada epaile eta autoaren txostengileak nabarmendu duenez, "Auzitegia txostena baino maila altuago batean dago" eta Europako Itunak "ez du zalantza izpirik uzten: Estatuek men egin behar diote (...) ebazpenak betearazita", gehienbat modu zehatz batean jardutea "ezartzen dutenean".
"Polemika erabakia betetzeko edo interpretatzeko moduan piztu liteke, esaterako, Espainiako lege bat Itunarekin bat ez datorrela agerian geratzen denean, baina ez askatasunaz gabetzeko zigorra ematen denean", zehaztu du.
Autoaren arabera, "berehalako betearazpena gauzatzeko pertsona hori aske utzi beharko da"; izan ere, Europako Giza Eskubideen Auzitegiak ezarritako jurisprudentziatik "baztertzeak ez du soilik nazioarte mailan arau bat urratzea ekartzen, Europatik eta zibilizazio senetik ere baztertzea da".
Zure interesekoa izan daiteke
Hauteslekuak itxita, botoen kontakeari ekin diote Ipar Euskal Herriko 11 herritan
Parte-hartzea lehen itzulian baino txikiagoa izan da 17:00etarako Pirinio Atlantikoetan, % 51,77koa. Aurreko igandeko lehen itzulian, parte-hartzea % 54,70ekoa izan zen ordu horretarako.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.