ETAko 14 preso aske uztea agindu du Auzitegi Nazionalak
'Parot doktrina' ezarrita, kartzela zigorra luzatu zieten ETAko 14 preso aske uzteko agindua eman du Auzitegi Nazionaleko Zigor arloko Aretoak, Estrasburgoko ebazpenari men eginda. Horrenbestez, 55 dira jada aske geratu diren presoak, horietako 50, ETAkoak.
Hauek dira datozen orduetan libre geratuko diren presoak: Javi Martinez Izagirre, Ignacio Fernandez de Larrinoa, Miren Gotzone Lopez de Luzuriaga, Jesus Maria Mendinueta Flores, Ignacio Orotegui Ochandorena, Santos Berganza Zendenegui, Jose Angel Biguri Camino, Iñigo Akaiturri Irazabal, Ignacio Erro Zazu, Nicolas Francisco Rodriguez, Juan Andres Urkizu Ormazabal, Imaculada Pacho Martin, Juan Ignacio Delgado Goñi eta Bautista Barandalla Iriarte.
Gaur erabakitzekoa bazen ere, azkenean biharko utzi du Auzitegiak 'Langraitz Bidea'n dagoen Kepa Mirena Solana Alonso presoaren inguruan ebazpena ematea. Honekin batera, Ismael Miquel Gutierrez GAL (Askapenerako Talde Antiterroristak) taldeko kidea libre uztearen erabakia ere hartuko du. Bestalde, Andoni Muñoz de Vivar 'Langraitz Bide' presoa aske uzteko eskaera egin du Fiskaltzak, baina nonbait, akatsa izan da eta, azkenean, abenduaren 25ean aterako da Muñoz kartzelatik.
Estrasburgoko Giza Eskubideen Auzitegiak bertan behera utzi zuen 'Parot doktrina' joan den urriaren 21ean emandako ebazpen batean, eta hori aplikatuta, eta Gorenaren aginduari jarraiki (azken erabakia auzitegi bakoitzak hartu behar duela ebatzi zuen), presook aske uzteko eskaera egin du Fiskaltzak eta horren kontura eman du agindua Auzitegi Nazionalak.
Zure interesekoa izan daiteke
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.
Arnaldo Otegiren ustez, Ertzaintzak dena ondo egiten duela esateak "ez dio inolako mesederik egiten Ertzaintzari"
Arnaldo Otegi EH Bilduko idazkari nagusiak Ertzaintza "berreskuratzearen" alde egin du, horretarako beste polizia-eredu bat aplikatuz. Bere ustez, euskal gizartea gero eta gehiago ari da aldentzen Ertzaintzatik.
Estrasburgoko auzitegiak ebatzi du Espainiak ez zituela urratu Junqueras, Sanchez eta Turullen eskubide politikoak
Giza Eskubideen Europako Auzitegiak behin-behineko espetxealdiari buruz eta horrek eskubide politikoetan izan zuen eraginari buruzko iritzia eman du. Estrasburgon egoitza duen epaitegiak aho batez baztertu ditu auzi-jartzaileen argudioak eta kartzelan mantentzearen erabakia justifikatuta zegoela nabarmendu du.
Juntsek Espainiako Gobernuarekiko haustura formalizatu du: tramitean diren legeak eta gerora etor litezkeenak blokeatuko ditu, eta ez ditu aurrekontuak babestuko
Juntsek iragarri du osoko zuzenketak aurkeztuko dituela Espainiako Gobernuak legeak aurkezten dituen guztietan, kontrako botoa emango duela dagoeneko izapidetzen ari direnetan, eta ez dituela babestuko 2026rako aurrekontuak.
Unibertsitate sailburuak gaur deituko dio EHUko errektoreari, tentsioa baretzen saiatzeko
Unibertsitateetako sailburuak Radio Euskadin iragarri du "lehen orduan" jarriko dela harremanetan EHUko errektore Joxerramon Bengoetxearekin, 2026ko unibertsitate-aurrekontuari buruzko desadostasun publikoa ixteko bilera baten data zehazteko.
Pradales lehendakariak "gizartea aktibatzeko" deia egin du, euskal selekzioak ofizial izan daitezen aurrera egiteko
Imanol Pradales lehendakaria 41 euskal kirol federaziotako presidenteekin bildu da gaur arratsaldean. Bileran, selekzio horien ofizialtasuna sustatzeko moduaz hitz egin dute, Euskadiren nazioarteko proiekzioa indartzeko. Besteak beste, Pradalesek ziurtatu du ofizialtasunaren partida ez dela "bulegoetan soilik jokatzen”, eta motibazioaren eta aktibazio sozialaren beharra aldarrikatu du.
Delituen gorakadaz eta segurtasunaren pertzepzioaz aritu dira Bilbon, Basque Segurtasun Foroan
Segurtasun mota guztiei buruz aritu dira dinamika parte-hartzaile batean 50 eragile inguru, Bilboko alkatea eta Segurtasun sailburua buru izan dituen ekitaldian. Gizartearen sentimenduak kontuan hartuz egin behar den lana dela azpimarratu du Juan Mari Aburtok. Bingen Zupiriaren ustez, berriz, alderdi politiko batzuek nahita lotzen dituzte segurtasun eza eta migrazioa. Eztabaidari heldu eta modu gardenean aurre egiteko beharra nabarmendu du.