IRAren armagabetze prozesua, historiako mediatikoena
IRAren armagabetze prozesua luzea eta zaila izan da. Historiako mediatikoena izanda, Ostiral Santuko Akordioak hasiera eman zion, 1998. urtean. 70eko eta 80ko hamarkadetan izan ziren atentatu gehienak, baina aldeek bakerako bideari ekin zioten 1993. urtean.
Urte horretan, Erresuma Batuak Sinn Fein alderdiari elkarrizketetan parte hartzea eskaini zion, betiere IRAk indarkeriari uko egiten bazion. Urtebete geroago, 1994. urteko abuztuan, IRAk su-etena iragarri zuen.
Egun batzuk lehenago Raymond Smallswood Alderdi Unionista Demokratikoko bozeramailea hil zuen. Bi urte geroago, 96ko otsailean, su-etena apurtu zuen, lehergailu bat Londresen leherraraziz (bi lagun hil eta ehunka zauritu ziren).
1997ko uztailean, IRAk su-etena ezarri zuen berriro ere. Negoziazioen ondorioz, 1998ko apirilean Ostiral Santuko Akordioa sinatzea lortu zuten. Irlandako biztanleek erreferendum bitartez babestu zuten akordio hori. Urte horretako abuztuan, IRAren zatiketa batek (Benetako IRA) 29 lagun hil zituen Omaghen, bonba-auto bat zartaraziz.
Benetako IRAk bere gain hartu zuen atentatua, baina irailean horrek ere su-etena iragarri zuen. Egun gutxi geroago, IRAko zenbait preso aske utzi zituzten, eta 99. urtean Ipar Irlandako Gobernu autonomoa sortu zuten berriro ere.
David Trimble izendatu zuten Gobernu berri horretako presidente (2001ean dimisioa eman zuen). Ipar Irlandako autonomia hizpide, bi aldeek esfortzu handiak egin zituzten 2000. eta 2001. urteetan akordioa lortzeko, baina ez zuten arrakastarik izan. 2001eko urrian, Sinn Fein alderdiak ofizialki eskatu zion IRAri armak ematen hasteko. Hurrengo egunean, armagabetzen hasi dela adierazi zuen IRAk.
Hurrengo urteetan, hala ere, prozesu horrek oztopo asko gainditu behar izan zituen. IRAk bertan behera utzi zuen hainbatetan, baina 2005eko uztailaren 28an agiri historikoa iragarri zuen talde armatuak: Bere militante guztiei armak entregatzeko agindua eman zien. Agiri horren ondorioz, Erresuma Batuko eta Irlandako ministroek bilera-sorta berri bati ekin zioten, Ipar Irlandaren autonomia berreskuratzeko asmoz.
2006ko urrian bilera historikoa egin zuten Sean Brady kardinal katolikoak eta eta Ian Paisley apaiz protestanteak Belfasten. 2007ko martxoan, Ipar Irlandako autonomia berrezarri zuten, eta Paisleyk eta Gerry Adams Sinn Feineko buruak Gobernu berria adostu zuten. Armagabetzearen egiaztapena 2008ko irailean iritsi zen: Nazioarteko Egiaztatzaileen Batzorde Independenteak armak entregatu zituztela eta IRA deseginda zegoela egiaztatu zuen.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.