'Gatazkaren ondorioetan dugun ardura onartu egiten dugu'
Parot Doktrina indargabetu ostean, eta lehenago ere, kartzelatik irten diren ETAko zenbait preso ohik euren iritziz gatazkaren ondorioetan duten "ardura osoa" onartu egin dute eta bat egin dute abenduaren 28an EPPK-k jakinarazitako adierazpenarekin.
Ildo horretan, ETAko preso ohiek eragindako mina onartu dute; bide baketsuak eta politikoak soilik erabiltzeko ezker abertzaleak burututako estrategia aldaketa babestu dute; eta euskal presoen sakabanaketa amaitzea eskatu dute, espetxe-politika Euskal Herrian ireki den testuinguru politiko berrira egokituta.
Durangon esan dute hori guztia, larunbat honetako eguerdian egindako ekitaldian. Kartzelatik irten diren ETAko 70 bat preso ohik hartu dute parte, Jose Antonio Ruiz 'Kubati'k, Francisco Javier Martinez Izagirre 'Javi de Usansolo'k, eta Itziar Martinezek, besteak beste, barne.
Bestalde, preso ohien iritziz, "gatazkaren irtenbidea planteamendu oso baten garapenarekin" etorriko da, "erro politikoari" begirako planteamendu batekin, "Euskal Herriak duen erabakitzeko eskubidean gauzatu beharko litzatekeena". "Normalizazio politikoak oinarrizko eskubide hori egin ahal izatea eskatzen du", gehitu dute.
Gainera, nabarmendu dute "gatazkaren epe armatua amaituta, ondorio guztiek izan beharko dute irtenbidea", eta, hortaz, beharrezkoa litzateke, euren ustez, "ohiz kanpoko neurri guztiak indargabetzea". Iragarri dutenez, lanean jarraituko dute "gure herriak gaur egun oraindik pairatzen duen errepresioa gainditzeko eta merezi duen askatasuna lortzeko".
"Kartzelan, ia 1.500 urte; horietatik, 200 legez kanpokoak"
Halaber, azpimarratu dute Parot Doktrina kendu ostean kartzelatik atera diren gaur Durangon bildutako preso ohiek "kartzelako ia 1.500 urte pilatzen dituzte, eta horietatik 200 legez kanpo gehituak dira". Gainera, salatu dute "sakabanaketak eragindako minaren eta heriotzaren lekukoak" izan direla, "ohiz kanpoko legeen eta neurrien lekukoak".
EPPKren bitartekoak, euren aldetik, kritiko azaldu dira "20 urtetik 30 urterako epeetan kartzelan egondako pertsonen inguruan, zigorgabetasunaz hitz egiten dutelako", eta "gehiegizko zigorra" jasan dutela. Arantza Garbayok eta Estanis Etxaburuk, bitartekoen izenean, "benetako zigorgabetasuna Estatuaren aparatuak ari dira gozatzen, gatazkaren beste aldeko preso bat ere ez dagoelako" esan dute.
Halaber, nabarmendu dute ondorengo asteetan EPPKren hausnarketak zenbait eragile sozial eta politikorekin partekatuko dituztela, eta presoak “egoera berrian ekarpen positibotzat” jo dituzte.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.