Ortuzar: 'EAJk ez du fronte politika egingo'
Andoni Ortuzar EAJren EBBko presidenteak "fronte politika" baztertu du, eta inongo frontetan egongo ez dela azpimarratu du, "orain dagokiguna ezberdinen arteko akordioak lortzea delako". Bilbon 'Giza eskubideak, konponbidea, bakea' lelopean manifestazioa egin ondotik Sortu eta EAJ elkarlanean arituko ote diren galdetuta, aukera hori ukatu du eta, jeltzaleen esku baino, ezker abertzalearen esku dagoela azpimarratu du. Dena dela, "ezberdinen arteko akordioak" lortzeko borondatea berretsi du.
EAJren zuzendaritzak batzarra du gaur Donostian, eta bileraren aurretik prentsaurrekoa eskaini du Ortuzarrek. Bertan azpimarratu duenez, EAJk "erantzukizun plusa" izan zuen, Tantaz Tantak deitutakoa debekatu ostean istilurik gerta ez zedin.
Isila behar zuen manifestazioan presoen alde entzun ziren oihuen kontura, EAJ 'dezepzionatuta' dagoela aitortu du Ortuzarrek. "Deseroso ez, baina dezepzionatuta" sentitu zela adierazi du buruzagi jeltzaleak, baina martxa uzteko asmorik izan ez zuela nabarmendu du.
Larunbateko manifestazioan EAJk bere hitza bete zuela agertu du, eta ezker abertzaleari dagokio argibideak ematea: "Argitu beharko dute oinarriaren zati bat kontrolatzen jakin edo asmatu ote ez zuten". Horren ildoan, Sortuk bere oinarrien artean "pedagogia" egin behar duela uste du Ortuzarrek.
Barne Ministerioari ere zuzendu zaio EAJko buruzagia, eta "180 graduko aldaketa" eskatu dio. Ortuzarren aburuz, Jorge Fernandez Diaz ministroa "oso erratuta" dago.
Sei hilabete, armagabetzeko
Etorkizun hurbil bati begira, sei hilabeteko epean, aldaketa nabarmenak espero ditu Andoni Ortuzarrek: ETAren alde bakarreko armagabetzea; espetxe politika inteligente, bidezko eta graduala; eta bakerako bidean, euskal alderdi politikoek akordio egonkorrak adostea".
Buruzagi jeltzalearen arabera, sei hilabeteko epea emanda, "eskuzabala" da EAJ, "borondate politikoa izanez gero, hilabete bakarrean lortu daitekeelako".
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.