Consuelo Ordoñez: 'PPren Gobernuak biktimak mespretxatzen ditu'
Consuelo Ordoñezen, Gregorio Ordoñez ETAk hildako PPko buruzagiaren arrebaren, hitzetan, "terroristek hiltzen lortu ez zuten guztia inoiz baino gertuagoa dute orain".
Donostiako Polloe hilerrian Gregorio Ordoñezen hilketaren 19. urteurrena gogorarazteko ekitaldia egin dute gaur. Euskadiko PPko zuzendaritza, UPyD eta Vox alderdietako ordezkaritzak eta Maite Pagazaurtundua Terrorismoaren Biktimen Fundazioko presidente ohia omenaldian izan dira.
Alfonso Alonso, Arantza Quiroga, Borja Semper eta Leopoldo Barreda PPko buruzagiak hilerrian izan dira. Consuelo Ordoñezek Alderdi Popularra gogor kritikatu du. Anaiaren diskurtsotik aldendu izana aurpegiratu dio Gregorio Ordoñezen arrebak PPri.
"Nahiz eta asko hil, sekula ezer lortuko ez zutela esan zuen Gregoriok", adierazi du arrebak. "Hori horrela izan zatekeen bizitzen utzi izan baliote", deitoratu du.
"Baina gauzak asko aldatu dira eta, tristura handia sortzen dit esatea, baina terroristek hiltzen lortu ez zuten guztia inoiz baino gertuagoa dute orain", esan du.
Consuelo Ordoñez, Gregorio Ordoñez ETAk hildako PPko buruzagiaren arreba. Argazkia: EFE
Ezinegona
Ekitaldian errespontsu bat otoiztu eta lore eskaintza egin dute Gregorio Ordoñezen hilobian. PPk terrorismoaren biktimak omentzeko beste ekitaldi bat antolatu du Donostian ordubete geroago, eta horrek Consuelo Ordoñezen haserrea eragin du; izan ere, ez diote hitza hartzeko aukera eman, biktimaren arrebak salatu duenez.
Ordoñez Terrorismoaren Biktimen Kolektiboko (Covite) presidentea da. Anaiaren "figura gogoraraztea" faltan bota duela kritikatu du Ordoñezek, "alderdikideak harropuztu egiten dira eta erreferente eta ikur bat dela diote; berak orain egingo lukeena eta non egongo lirateke azaltzen dute", baina senitartekoak "ez dira sekula horretara ausartu".
Ekitaldia Polloeko hilerrian. Argazkia: EFE
Mariano Rajoyren Gobernuak anaiaren "bertute" batzuk "ahaztu" dituela deitoratu du, "hitz egiteko, negoziatzeko eta entzuteko" borondatea adibidez. Era berean, Coviterekin harremanak hautsi izana aurpegiratu dio Exekutiboari.
"Beraiek hautsi dituzte harremanak, beraiek ez dira etortzen, kale egiten digute eta proposamenak egiten dizkiegunean ez dituzte aintzat hartzen, ezinezkoa dela diote, gehiengo absolutua izatea eta gobernatzea oso zaila dela esaten dute. Guk ez dugu panpakadarik eman, argi geratu behar da", adierazi du.
Zure interesekoa izan daiteke
Iriarte, zerga turistikoaz: "Berandu iritsi den neurri bat da, dena den aztertuko eta erantzukizunez jokatuko dugu"
EH Bilduren Gipuzkoako bozeramaileak adierazi du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
"Ez gaitezen alarmismoetan erori", esan du Martinezek, eta iraungitako txertoak segurtasunarentzat mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.