'Gaizki-ulertuaren ondoren, PSErekin harremana bideratzea lortu dugu'
Jonan Fernandez Jaurlaritzako Bake eta Bizikidetzarako idazkari nagusiak adierazi du Gobernuak Bake Plana alderdi politikoekin “adostasuna bilatuz”aurrera aterako duela, eta, horren harian, sozialistekin harremanak bideratzea lortu dutela baieztatu du.
Euskadi Irratiari eskainitako elkarrizketan, Jaurlaritzak Sorturi aurkeztutako proposamenaren filtrazioak sortu zuen "gaizki-ulertua" bideratzea lortu dutela berretsi du Jonan Fernandezek. Horrenbestez, PSE-EErekiko harremana "normaltasunez" bideratu dutela azpimarratu du.
"Jaurlaritzak alderdi politiko guztiekin hitz egiten du", esan du. Jaurlaritzaren helburu nagusia indarkeriaren "amaiera ordenatua" lortzea dela adierazi du Fernandezek, eta bide horri heltzeko Bake Plana "adostasunaren bidez" aurrera eramango dutela gaineratu du.
Horren harian, ETAri "lehenbailehen" desarmearen bideari heltzeko eskatu dio Jonan Fernandezek, eta aurrerapauso gehiago ez emateak "eragina" daukala nabarmendu du. "Pauso gehiago eman behar dira, bidea ez dugu bukatu, eta horrek arazo bat sortzen du. Prozesu hori lehenbailehen martxan jarri eta lehenbailehen amaitu behar da".
Hala ere, Bizikidetzarako idazkari nagusiak ez du eperik jarri, nahiz eta hurrengo aurrerapausoak "datozen asteetan" etortzea nahiko lukeela adierazi duen.
Fernandezen ustez, garrantzitsuena pauso berri horiek "sinesgarritasuna" edukitzea izango da. "Hitzak ez dira nahikoak gaur egun, ekintzak eta konpromisoak behar dira".
"ETAk indarkeriari amaiera jartzen ziola esan zuen, baina desarmea atzeratzeak eragina dauka, eta zer eragin daukan aztertu behar dugu. Espetxeetan ere, atzeratzeak eragina izan dezake", esan du.
ETAk eman beharko lituzkeen pauso horietan "ekintzak eta konpromisoak" jasota egon beharko lukete, Fernandezen hitzetan. Hala ere, bitartean Espainiako Gobernuak espetxe politikan "pauso batzuk" ere eman zitezkeela iritzi dio. "Adibidez, presoak Euskal Herriko espetxeetara ekartzea edota preso gaixoei erantzun bat ematea".
Bestalde, ETAk autokritika "berezia" eta "sinesgarria" egin beharko duela azpimarratu du, zauriak "oraindik oso irekita daudelako" eta iragana "sendatu egin behar delako". Horretarako, keinu batzuk behar dira, bereziki ezker abertzaleak egin beharko dituenak".
"Iraganean egindakoa gaizki baldin badago, gaizki egon zela esan behar dute", gaineratu du. Iragana lantzea, hala ere, "zailena" izango dela uste du Fernandezek, "iraganean baitago arduraren diagnostikoa".
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.