PPko kargudunek ETAren aurka azaldutako 'kemena' goraipatu du Quirogak
ETAren aurkako borrokan PPko kargudunek azaldutako "kemena" eta "konpromisoa" aldarrikatu ditu gaur Arantza Quiroga Euskadiko Alderdi Popularraren presidenteak. "Inork ezin digu eskolarik eman", adierazi du.
ETAk hildako PPko kargudun guztiak omentzeko ekitaldia egin du gaur Alderdi Popularrak Donostiako Kursaalean, eta Quirogak ekitaldia itxi du. Quirogak Gregorio Ordoñezen senitartekoen kexak entzun behar izan ditu arratsalde berean.
Gipuzkoako PPren presidente ohia duela 19 urte hil zuen ETAk Donostiako La Cepa tabernan. Euskadiko PPk gaurko data aukeratu du hildakoak omentzeko, baina Gregorio Ordoñezen arrebak Alderdi Popularraren lana eta Gobernuaren terrorismoaren aurkako politika kritikatzeko aprobetxatu du beste ekitaldi batean.
"Bakarrik interes politikoak eta doilorkeriak gidatuta zuek bezalako gizon-emakumeen ibilbidea zalantzan jar daiteke", esan die, minduta, Arantza Quirogak Kursaalean bildutako PPko kargudunei.
PPk Donostiako Kursaalean egindako ekitaldia. Argazkia: EFE
"Honaino iritsi baldin bagara, besteak beste, hemen gauden guztien eta Euskadiko Alderdi Popularraren kemenari esker izan da, ezin digu inork ukatu", goraipatu du, "gu egon garelako hemen, aurpegia ematen".
"Gizalegezko adorea gutxi batzuk zikintzen ari dira, hemen eta han, batere errespeturik eta sentsibilitaterik gabe", deitoratu du Quirogak. "Euskadiko Alderdi Popularreko kide izatea urguilu" bat dela errepikatu du Quirogak, "duintasun ikaragarriko eta tatxarik gabeko gizon-emakumeak zaretelako".
Alfredo Marco Tocar buruzagi historikoak UCDko biktimak gogorarazi ditu. Bestalde, Antonio Merinok APko garaiak gogorarazi ditu. Maria Jose Usandizagak, Pilar Eliasek eta Maria del Mar Blancok ere hitza hartu dute.
ETA "azukre-koskor bat bezala desegingo da"
Euskadiko PP aldarrikatzeaz gain, ETA "azukre-koskor bat bezala desegingo" dela esan du Quirogak, "trukean ezer eman gabe".
"Armarik gabe, baina armen aurkako bataila gogorra izan da gurea. Armak oraindik hortik daude, nonbaiten ezkutatuta, eta lehenago edo beranduago azalduko dira. ETAren eromena desegiteko agertuko dira", adierazi du.
"Norbaitek proiektu politikoren batekin ETAren behin betiko desagerpena baldintzatzeko tentazioa baldin badu, bere zinismoak ondorioak izango dituela kontuan izan beharko du, ETAk hildako ia 1.000 biktimen memoria saltzea ezmorala delako", azaldu du Quirogak.
Zure interesekoa izan daiteke
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadik eta Gaztela-Mantxak abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer rol betetzen zituzten Abalosek, Koldok eta Aldamak musukoen auzian epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean betetzen zituzten rolak.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.