Cascosek Gurtel sarearen komisioak jaso zituen, Poliziaren arabera
Poliziako UDEF unitateak Pablo Ruz Auzitegi Nazionaleko epaileari txosten bat entregatu dio. Ustelkeria sareari atzemandako agirietan P.A.C. siglak agertzen dira eta Francisco Alvarez Cascos ministro ohiaren izenarekin lotu ditu Poliziak. Horrela, Cascosek ustelkeria sarearen komisioak jaso zituela ondorioztatu du Poliziak txostenean.
Administrazioarekin kontratuak lortzearen truke jasotako komisioak izango lirateke, eta P.A.C siglekin lotuta agertzen dira Poliziaren txostenean.
49 orrialdeko txostenean, P.A.C. siglak Francisco Correaren erakundeari atzemandako agirietan behin baino gehiagotan agertzen direla azaltzen du Poliziak. "2003an eta 2004an, hauteskunde-kanpainan sortutako mozkinen banaketarekin" lotuta agertzen dira siglak.
Rialgreen
Rialgreen S.L enpresaren publizitate-zerbitzuak kontratatu zituen PPk garai horretan. "Zenbait elementu kontutan hartuta, P.A.C siglen atzean Francisco (Paco) Alvarez Cascos dagoela esateko zantzuak daude", adierazi du Poliziak.
Txostenaren arabera, Rialgreen konpainiak hiru milioi euro baino gehiago fakturatu zizkion PPri. Mozkina bi zatitan banatu zuten: Bat Jose Luis Roig Gallego Asian Deluxe Groupeko administratzailearen eta P.A.C-en artean banatu zuten; eta bestea beste sei pertsonen artean banatzen zen: P.A.C, Luis Barcenas, Gerardo Galeote, Jesus Sepulveda, Jesus Merino eta Francisco Correa.
Honenbestez, P.A.C Alvarez Cascosekin lotzen du Poliziak, siglen atzean dagoen pertsonak "eragiteko gaitasun handia duelako; izan ere, bi aldeetatik dirua jaso zuen, eta guztira 41.172 euro bereganatu zituen, Rialgreenen etekinaren hartzaile nagusia zen".
Cascosen erantzuna
Txostenaren "susmo edo usteak erabat faltsuak" direla kritikatu du Cascosek. Txostenaren edukiaren berri ez duela azaldu du ministro ohiak agiri batean. Hala ere, Gurtel sarean "inolako parte-hartzerik" izan ez duela errepikatu du.
"Segurtasun juridikoa eta pertsonen babesa oinarri gisa dituen berme sistema batean edozein herritarren duintasunaren aurkako eraso bat dira" informazio horiek, ministro ohiaren ahotan. "Azkenera arte" defendatuko dela gaineratu du.
Albiste gehiago politika
Peinado epaileak Begoña Gomez herri epaimahai batek epaitzea proposatu du, dirua bidegabe erabiltzea egotzita
Datorren larunbatean (18:00etan) epaitegira joateko dei egin dio, aurretiazko agerraldi baterako.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.